Dagbjört dís

TED talks um tölvuleiki

2011-01-30T20:43:00.004+01:00

Eins og margir erum við hjónin farin að nota netið meira til frétta og upplýsingaöflunar en aðra miðla. Andrés er duglegur að ná sér í áhugaverða fyrirlestra á TED talks síðunni www.ted.com, sem hann svo horfir á í símanum á leiðinni í og úr skóla.

Hér er einn mjög áhugaverður um stráka í skólum og tölvuleiki:

Sem betur fer er ástandið ekki orðið svona slæmt ennþá í Danaveldi.

:D

Media Education Foundation

2010-07-14T22:21:00.002+02:00

er stofnun sem gefur út myndir um fjölmiðla, þ.e. rýnir í fjölmiðla og misnotkun á fjölmiðlum, áhrif, auglýsingar osfrv.

held það hafi verið þessi mynd sem var sýnd á rúv í vetur:

Consuming Kids
The Commercialization of Childhood

sláandi sýn á það hvernig börnunum okkar er fjarstýrt af fjölmiðlum
kauptu kauptu kauptu
maður verður einfaldlega að vera markaðsfræðingur til að ala upp börn í dag...

lesilesiblogg

2010-06-19T01:10:00.002+02:00

ég ætla að byrja á að láruhannast soldið og pósta linkum á tvennt sniðugt.

fyrst fyrir okkur nördana: punktar um að læra - nr. 2 er mjög mikilvægur
Learning Strategies

svo er það Pat sem við Andrés lesum reglulega.
hér er það sem hann skrifar um BUFFY (eða Joss Whedon)
Pat skrifaði bestu fantasy bók sem við höfum lesið (hvort um sig). Sú heitir "Name of the Wind" - og við erum farin að plana að senda börnin okkar í pass þegar næsta bók kemur út :)

stundum langar mig bara að henda sjónvarpinu mínu

rykið dustað

2010-06-09T12:14:00.001+02:00

af þessu bloggi ???

hmmm gæti verið

nú eru það uppeldismál, barnabókmenntir, hugbúnaðargerð, miðlar ofl

sjáum til

Brúðarheit

2008-07-23T20:45:00.002+02:00

(til Andrésar)

Gafstu mér, gumi,
gleðihlátur
sólskin og söng.
Engan veit ég annan
yndislegri
mann meðal manna.

Hjá þér á ég heima,
hetjan sterka,
ævina á enda.
Vinurinn minn besti
og von hjartans,
einan ég elska þig.

Dagbjört

alltaf á leiðinni...

2008-06-18T13:18:00.003+02:00

jæja, eins og allir nema verstu karlrembur eiga að vita, þá er 420% starf að vera mamma (þ.e.a.s. 24/7)

amk. gef ég mig 110% í það, og því ekki mikill tími til að blogga

ef hann Pétur minn sefur, þá nota ég tækifærið og annað hvort sef, fer út að labba, gríp mér eitthvað í gogginn, eða tek til

og núna á ég að vera að semja tónlist og vesenast í brúðkaupsundirbúningi

þegar hann er vakandi þá er spjallað, sungið og leikið af mikilli gleði :D

Pétur Hugi vex og dafnar alveg einstaklega vel, er 3ggja mánaða á morgun, algjör orkubolti og getur spjallað og spjallað og leikið sér lengi í baði.
Hann er að nálgast 7 kíló og verður bráðum kominn uppí stærð 74 - sem þýðir að hann er algjör risi. Hann er samt alls engin bolla, bara langur og flottur hasarkroppur með sixpack og alles, því hann spriklar svo mikið og hamast þegar hann þarf að prumpa.

ég hef átt erfitt með að hafa áhuga á nokkru öðru en honum, fyrir utan kannski tónlist og alheimspólitík, sem skiptir miklu máli fyrir hann, þó á ólíkan hátt.

við erum búin að kaupa píanóið og svo höldum við auðvitað með Obama, þó það sé alls ekki víst að hann eigi eftir að bæta ástandið í heiminum - hann getur þó varla gert það verra - vonum bara að fíflið ráðist ekki á Íran áður en við losnum við það.

en þetta átti bara að vera svona stutt til að láta vita að við komum HEIM á mánudaginn, 23. júní :)

hlakka til að sjá ykkur,

knús og kossar

:Dagbjört

p.s. eru Íslendingar orðnir bjánar upp til hópa? ísbirnir eru stórhættulegir, ekki litlir sætir bangsalingar! við gætum auðvitað flutt þá inn og farið að ganga með riffla í hvert skipti sem við hættum okkur út úr bílunum fyrir utan bæinn...

ýmislegt annað sem við köllum hann Pétur Huga

2008-04-17T23:01:00.004+02:00

smá listi:

Stubbur (situr ennþá pínu fast á honum)

Pétur ofurHugi (kom rétta leið en með rassinn fyrst)

litli rass (á helst við kollinn hans, sem ég klappaði alltaf þegar hann var inni í maganum og kallaði "litla rass" - sem við héldum að hann væri)

Barbakær (því hann fæddist með svo mikið, úfið, dökkt hár)

litla bóludýr (er með "gestabólurnar" eins og er)

átvaglið mitt

elsku hjartans Pétur

hjartans hjartans (þær eru svo væmnar þessar mömmur!!!)

Andrésson

Tröllabarn (með pínulítinn risastóran æðislegan tröllanebba)

ljósálfur (í einum ákveðnum galla með hettu)

úff! það sem þessum foreldrum dettur í hug

Pétur Hugi Andrésson

2008-03-25T17:02:00.000+01:00

Pétur Hugi Andrésson kom í heiminn þann 19. mars 2008 klukkan 23:38 að dönskum vetrartíma.
Hann vóg 3945 gr. og var 54 cm.
Hann kom út með rassinn á undan, með miklum viðbúnaði, en mamma hans var svo dugleg að ýta honum út að allir læknarnir og ljósmæðurnar voru alveg gáttuð.
Barnalæknirinn gaf honum 10 á apgar prófinu, og lýsti því yfir að þetta væri "fullkominn lítill drengur".

Það finnst foreldrunum auðvitað líka. Hann sefur eins og engill - sérstaklega á nóttunni - öskrar þegar hann fær ekki nógu fljótt að borða, eða við dirfumst að skipta á honum en þagnar þegar það er sungið fyrir hann eða leikið á píanóið. Hann þrífst almennt ákaflega vel. Hann líkist pabba sínum mjög mikið, og mömmu sinni líka. Kannski þau séu bara frekar lík hvoru öðru ;)

Hann heitir Pétur í höfuðið á langafa sínum, Hugi af því að það er íslenskt og flott og hann er auðvitað Andrésson.

Við foreldrarnir erum auðvitað í skýjunum og getum mænt á hann löngum stundum...

Með bestu kveðjum,

Dagbjört, Andrés og Pétur Hugi

16, 17, 18 og 19 eru allt góðar tölur

2008-03-15T07:29:00.003+01:00

svo það er best að slaka aðeins á

allt í einu virðist allt hafa stoppað - það hefur ekkert gerst núna að ráði í 2 sólarhringa
kannski er það bara lognið á undan storminum, en svona er þetta víst í fyrsta skipti, allt gerist hægt
á þriðjudaginn var allt að gerast...

mamma og pabbi eru í heimsókn fram á páskadag, svo ég þarf svosem ekki að láta mér leiðast...

þetta er spurning um að skipta úr ofurbjartsýni yfir í jákvæða þolinmæði, en ég vona vona vona að hann komi fyrir skírdag, því það er 20. mars, og allt eftir það eru miður góðir afmælisdagar (tuttugastiogeitthvað sem enginn man).

svo langar okkur auðvitað til að hann sé ennþá ungabarn þegar hann kemur, en hann er nú þegar farinn að nálgast 4 kíló, samkvæmt ljósunni...

ég fæ engan hjúkrunarfræðing heim um páskana, þær vinna ekki frá fimmtudegi til mánudags!
hversu mikilvæg er þessi þjónusta ef þær geta svo bara sleppt því að koma?
hafa þær enga yndislega múslima í vinnu?
amk ekki í þessari kommúnu...

er eiginlega hætt að þora á netið, nema svona eldsnemma á morgnanna, þegar enginn er online
fólk sem er ekki einu sinni vinir mínir var farið að bögga mig á msn (var nú bara að blocka einn úr vinnunni áðan sem kann sig ekki...)

svo hringir síminn hjá Andrési næstum stanslaust, hann á fullt af vinum sem eru alveg grænir :S

fjölskyldan mín er hins vegar yndisleg - þau vita að ég læt þau vita um leið og eitthvað gerist

hann var líka upphaflega settur á 17. mars, í fyrri sónar, svo í minni bók er ennþá ekki orðinn seinn...

ertu ekki hrædd ?

2008-03-11T19:46:00.003+01:00

spyrja margir
sérstaklega ungar stelpur um tvítugt

hrædd ?
what?

til hvers?
og hver hefur pláss í hjartanu til að vera hrædd þegar ég veit hvað ég fæ að launum?

ég vakna skælbrosandi á hverjum morgni og er að springa úr tilhlökkun

bráðum bráðum bráðum

verð ég mamma

kannski á morgun
kannski á hinn

bráðum :D

grænt grænt grænt

2008-03-04T08:59:00.002+01:00

nú er að koma vor, þó það hafi snjóað í nótt, og litli stubburinn okkar verður þeirra forréttinda aðnjótandi að fá að fæðast að vori :D

en hann á næstum EKKERT grænt !!!
og grænn sem er uppáhaldsliturinn hans pabba hans og hennar mömmu hans og svo á hann bara blátt og brúnt og hvítt...

við óskum hér með eftir grænu á stubbinn !!!
grænum fötum
grænum Lamaze leikföngum
grænu vori :þ

mmmmmmm

allt er vænt sem vel er...

2008-03-04T08:34:00.003+01:00

...grænt :D

rokkarinn rauði og svarti fer í pásu í bili, og nú er mest hlustað á klassík, nema þegar Andrés er heima, þá er uppáhalds íslenska hljómsveitin okkar á repeat

síðan ég flutti til Danmerkur hef ég verið án hljómflutningstækja, en bætt það upp með iPod og heyrnartólum. það er auðvitað ekki hægt lengur, ég get ekki útilokað barnið mitt með því að setja upp heyrnartól, og þó hann sé ekki fæddur enn, vil ég samt að hann sé með.

svo við fórum í Fona og ætluðum að kaupa okkur svona lítinn geislaspilara m. útvarpi og hátölurum til að festa uppá vegg eins og storebror á. kostar bara 1000 kall danskar.
þegar við loksins fengum afgreiðslu og báðum um að fá að hlusta á græjurnar, þá mætti afgreiðslumaðurinn með þetta líka svakalega danska r&b popp, svo ég þurfti að taka fyrir eyrun !!!

"ég ætlaði að prufa hljómgæðin! áttu ekki klassík ???"

"en þetta er verðlaunatónlist !"

"já en ég þarf að prufa hljómgæðin!"

eftir 2 námskeið í hljóðblöndun veit ég uppá hár hvað gert er við tíðnisviðin í poppi, fyrir utan að það er compressað til dauða!
aumingja afgreiðslumaðurinn fór og náði í annan disk: Andrea Boccelli !!!
þá féllust mér hendur

"má ég ekki bara velja sjálf ?"

"uh, jújú"

greyið skildi ekkert í þessari erfiðu kasóléttu konu, sem skilgreinir Boccelli líka sem popp
sem betur fer fann ég fljótlega Nýheimssynfóníu Dvorak, með góðu crescendo í byrjun og lúðrum og öllum litrófum tónlistar, sem er það sem þarf til að prufa hljómgæði.

þá hófust prufurnar :þ
ég blastaði synfóníunni yfir búðina, hlakkandi innra með mér, því þetta er ein af þessum búðum sem spila allt of háværa leiðindatónlist yfir allt, svo það er ómögulegt að heyra í græjunum án þess virkilega að hækka ;)
og svo í næstu græjum
og í næstu
en þessar vegggræjur bara gátu ekki gert Dvorak almennilega skil...
ég fór því að horfa á græjur með alvöru hátölurum
ekkert svo mikið dýrari...

síðan höfum við farið í El-Giganten (Elkó) og blastað Fiðlukonsert Tchaikovskys, og alltaf í örlítið betri hátölurum...
á morgun eða hinn ætlum við í stærri Fona búð að skoða tónlistar-oriented heimabíókerfi frá Sony, á 2500 DKR, með útvarpi og alles. aðeins meira en upprunalegi 1000 kallinn sem átti að fara í þetta...

Andrés skilur ekki alveg hvað það er sem ég hlusta eftir, en góð klassík úr góðum græjum með frábærum EQ getur gefið mér gæsahúð og kallað fram tárin

akkúrat núna er ég hlusta á Khachaturian úr pínulitlu tölvuhátölurunum sem ég keypti í Tölvulistanum fyrir 3 árum...

bráðum kemur betri tíð með blóm í haga, EQ og alvöru hátölurum

:D

sms listi

2008-03-01T19:25:00.003+01:00

jæja, það gengur frekar brösuglega að hætta að vinna!

þurfti að sitja við í 4 tíma í gærkvöldi og redda einhverju og svo fóru nokkrir tímar í tölvupóstskrif í morgun. en svona er það þegar maður reddar afleysara á elleftu stundu, og er sá eini sem kann á kóðann...

þetta er samt alveg að verða búið, á bara eftir að skrifa svo sem einn tölvupóst og svo eiga þeir kannski eftir að hringja eitthvað í vikunni. afleysarinn er samt mjög ákveðinn í að trufla mig ekki, enda tveggja barna faðir :)

þetta á nú bara að vera svona stutt blogg í þetta skiptið. mér líður vel þegar ég næ að hvíla mig, og drengurinn minn vex og dafnar, sparkar og hreyfir sig á hverjum degi, og er vel skorðaður. kominn vel yfir 3 kg, og ef hann bíður fram á settan dag, 14. mars, verður hann væntanlega einhvers staðar á milli 3500 og 4000 gr

það eru ennþá 2 vikur í hann, en allt í einu virðast allir í kringum mig orðnir svaka spenntir, eins og hann gæti komið þá og þegar. þess vegna ákvað ég að útbúa svona sms-lista fyrir Andrés, svo þeir sem gjarnan vilja fá sms þegar hann er kominn í heiminn (eða nokkrum tímum síðar líklega, þegar hann er sofnaður), eru vinsamlegast beðnir um að láta mig vita :)

ennþá virðist honum líða vel þarna inni, sérstaklega þegar mamma hans nær að slappa af ;)

meira seinna

:Dagbjört sem er komin 38 vikur á leið og ætlar að fara að hvíla sig núna :p

Barneignarleyfið

2008-02-26T18:48:00.002+01:00

...byrjar ekki á morgun heldur hinn

þá ætla ég að blogga alveg helling

en þar til þá

*sólskinsbros* á línuna

:D

Gleðilegt ár!

2008-01-09T22:19:00.000+01:00

öll sömul og takk fyrir þau gömlu!

takk fyrir öll jólakortin þau voru æði!

eins og sumir tóku kannski eftir bárust engin jólakort frá okkur þetta árið. ég hugsaði samt til ykkar, og það sem meira var, ég náði að hitta langflesta !

fannst ég reyndar ekki hitta neinn nóg, hefði svo innilega viljað tala við hvern og einn svo miklu betur og lengur og...

fyrir utan að hafa verið með stanslaust samviskubit næstum því allan tímann á Íslandi yfir því að vera alltof lítið hjá mömmu og tengdó

fannst ég eiginlega hálf sundurslitin þegar ég kom heim til Köben

og var auðvitað lasin, því síðan hvenær þoli ég 10 stiga frost OG álag á sama tíma...

en hvað um það, okkur tókst að koma ótrúlega miklu í verk á stuttum tíma, og allt í einu erum við búin með stóran hluta af undirbúningi fyrir brúðkaupið!

búin að panta búning á mig, kaupa búning á Andrés, plana athöfnina með goðanum og matseðilinn með veisluþjónustunni (þ.e. frænda mínum)

og bara svona ef ég er ekki búin að segja það alveg öllum: ég verð í svörtu ! venjist tilhugsuninni, fáið sjokkið núna (eins og sumir hafa þegar gert) og verið svo tilbúin til að finnast það flott þegar þar að kemur.

2008 virðist ætla að verða eitt stærsta ár lífs míns. líklega það stærsta hingað til frá 1977. allt á eftir að breytast. eftir svona 9 vikur.

og vá hvað við hlökkum til !

en fyrst þarf ég reyndar að færa fjöll í vinnunni, svo líklega verða þessir síðustu 2 mánuðir af gamla lífinu fljótir að líða

ó og eitt enn
eins og er á síðasti vinnudagurinn minn að vera 29. febrúar, sem er föstudagur. en ég held ég verði heima þann daginn með lappirnar vandlega upp í loft og mæti frekar mánudaginn 3. mars til að klára. síðastavinnudagsstress væri einmitt eitthvað sem gæti komið fæðingu af stað, og ég vil ekki vera þess valdandi að litli stubburinn minn fái 4 sinnum færri afmælisdaga en allir aðrir.

:Dagbjört mömmudís

p.s. það mega allir búast við jólakortum, með mynd, næstu jól !

Heimilisfang

2007-12-12T09:10:00.000+01:00

þessi jólin er það

Þinghólsbraut 27
200 Kópavogi

þ.e.a.s. hjá mömmu

síminn er sá sami og áður en ég flutti út, þ.e.a.s. númerið mitt hjá Og Vodafone sem byrjar á 661

ég kem á föstudagskvöldið
fer á jólatónleika Hrauns á laugardagskvöld (amk ef ég get staðið)
baka laufabrauð á sunnudaginn
vinn heiman að frá á mánudag, þriðjudag og miðvikudag
og svo kemur Andrés og þá fer ég í smá jólafrí

þetta voru svona smá upplýsingar, því einhverjir voru farnir að spyrja

hlakka til að sjá ykkur

*knús og kossar*

:Dagbjört

ekkert jólalag þetta árið

2007-12-09T09:26:00.001+01:00

kæru allir!

vegna veikinda verður ekkert jólalag tekið upp þetta árið. þessi helgi var sú eina sem var aflögu, og það var annað hvort að taka upp jólalag eða kaupa jólagjafir. ég gat eiginlega ekki sleppt því síðarnefnda.
eftir að hafa legið í flensu í viku þar sem ég gat hvorki keypt jólagjafir né unnið, þá hrannaðist upp vinna og það varð enn erfiðara að komast frá í miðri viku til að skreppa í búðir. við vorum svo í 6 tíma niðrí bæ í gær og eftir það er ég aftur orðin kvefuð !!!

það er einfaldlega ekki tími og ég get ekki "búið til tíma" eins og ég er vön, því ég er með Stubb Andrésson í bumbunni og þarf að hvílast svo ég verði ekki aftur veik og má ekki vera stressuð og svo framvegis og svo framvegis.

var annars búin að semja lag og búin með 30% af texta. upptökuvinnan er bara svo svakalega mikil og ég flýg til Íslands eftir 5 daga.

svekk svekk :(

vonandi fyrirgefið þið mér þetta

við sjáum svo til hvernig farmhaldið verður á jólalagaframleiðslunni þegar ég er orðin mamma :þ

*knús og kossar*

:Dagbjört bumbudís

minnsti samnefnarinn

2007-11-29T19:41:00.000+01:00

hér í Danmörku eru karlmenn móðgaðir trekk í trekk með að alhæfa um þá út frá minnsta samnefnara. það gerist reyndar oft líka með okkur konur.

hann Andrés minn varð frekar móðgaður þegar hann las bækling um að verða pabbi, þar sem stóð í dálki, um fyrstu dagana heima eftir fæðinguna, að það væri ágætt ef pabbi pantaði pizzu því mamman væri svo þreytt. meistarakokkurinn vildi meina að hann væri nothæfur í töluvert meira en það "og auk þess er þetta óhollasti skyndibitinn" bætti hann við.

nokkrar vinsælar bandarískar seríur ganga beinlínis út á þennan minnsta samnefnara karlmanna - frægastur af þeim er væntanlega Homer Simpson - svo smátt og smátt fer maður að halda að allir bandarískir karlmenn hljóti að vera fávitar.

og þar sem bandarískra áhrifa gætir alltaf sterkar heima á Íslandi þá kemur ekki á óvart að farið sé að tala niður til karlmanna út um allt. já og kvenna.

lélegir fjölmiðlar eru sérstaklega duglegir í þessu, og visir og mbl eru því miður ekki skrifaðir á dýran pappír.

en lægsti samnefnarinn yfir konur sem missa sig í 8000 fm verslunarhúsnæði tímunum saman og pína mennina sína með, og lægsti samnefnarinn yfir karlinn sem lætur pína sig með en vill helst vera heima og horfa á fótbolta er kannski bara aðalmarkhópur Hagkaupa. við konur sem finnst ekki svo gaman að versla, eða töpum okkur amk. ekki í neyslufylleríinu, við eyðum hvort eð er ekki nógu miklum peningum...

má samt ekki hafa annan skjá með einhverju öðru en fótbolta?
ég er nefnilega ansi hrædd um að ég verði dregin þarna inn af mínum manni, ef ekki nema til að sjá slottið, því það var tengdapabbi sem byggði herlegheitin...
og ég held það myndi líða yfir mig ef ég þyrfti að fara þarna í gegn án þess að fá að setjast niður

get alveg sætt mig við t.d. Top Gear, sem höfðar jú til beggja kynja
eða fréttir :D

fyrirgefiði, en þið Íslendingar eruð orðin klikk með allar þessar risaverslanir. hafiði í alvörunni ekkert betra að gera á laugardögum ???

ég veit að veðrið er vont, en væri ekki hægt að nota allt þetta pláss undir eitthvað annað skemmtilegt innandyra helgarfjör en verslanir ?

:Dagbjört prímtala sem er farin að lesa eyjuna oftar og mbl sjaldnar

ekki of mikið blátt takk

2007-11-28T09:38:00.000+01:00

jæja, hangi lasin heima og hef þá loksins tíma til að blogga smá
hef ekki verið svona lasin síðan ég flutti til Danmerkur, svei mér þá!
kvef, hálsbólga og ljótur hósti

ljósmóðirin skipaði mér að synda tvisvar í viku, og svo hef ég verið í pílates líka, svo það er stíft prógram eftir vinnu og oft erum við fyrst komin heim um 8 leytið, frekar þreytt bæði tvö og í því ásigkomulagi bloggar maður nú ekki mikið af viti.

en að pælingu dagsins:

blá föt á litla drengi
áður en við fengum að vita kynið ræddum við mikið um hvernig við gætum komið í veg fyrir að fá alltof mikið bleikt ef þetta væri nú stelpa.
en eftir að hafa skoðað ungbarnaföt á stráka hef ég komist að þeirri niðurstöðu að blái liturinn á stráka er bara ekkert skárri !!!
það er alveg jafn slæmt og væmið að klæða stráka bara í blátt og að klæða stelpur bara í bleikt.
ekki að blátt geti ekki verið sætt, með öðrum litum, en vá hvað sumir foreldrar kaffæra litlu drengina sína í bláu!!!

og það eru einmitt til svo margir fallegir litir á litla drengi:

grænn

appelsínugulur

brúnn (líka fallegur með bláu)

hvítur

gulur

rauður (sem mér skilst að sé næstum ómögulegt að fá á drengi)

svo erum við voða hrifin af dýra og risaeðlumynstri enda sonur líffræðinörds á leiðinni :þ

ég er annars búin að fá fullt af barnafötum frá storesös, svo það er varla að mig vanti neitt, sérstaklega ekki í minnstu stærðunum.
ég ætla kannski að sauma einn bangasagalla úr rauðbrúnu flísefni sem ég keypti einu sinni í íkornabúning en notaði ekki...
kannski það verði heimkomugallinn hans.

er frekar svekkt að geta ekki prjónað neitt, en vegna sinaskeiðabólgu kemur það ekki til greina
mér finnst fátt eins sætt og prjónadót á svona lítil kríli

og þar kom fyrsta mömmubloggið
en þetta eru svona smá pólitískar pælingar líka

annars erum við Erna að taka upp aftur jólalagið frá í fyrra og svo er ég að reyna að hnoða saman texta fyrir jólalagið í ár, en það stendur til að við Andrés syngjum það saman.

hvenær maður á að hafa tíma í þetta allt er svo annað mál, því allt þarf að vera búið 14. des, því þá flýg ég heim til Íslands :D

knús og kossar

:Dagbjörtin með Andrésson í bumbunni

Nótur og texti

2007-10-24T20:18:00.000+02:00

nóturnar að "Du er min ene"
má finna hér

og hér er svo textinn:

Du er min i dag
Du min hjertesag
Du er smuk som solens første smil
Du er hjertets lys
Dine kram og kys
For du er min ene.

Du er lykkens fe
Du er den jeg først vil se
Hver morgen, hver eneste dag
Og i evighed
Har jeg hos dig mit sted
Min verdens bedste ven

Du min kærlighed
Du mig giver fred
Og dit smil gør vores lykke ren
Du er månens skær
du er mig så nær
For du er min ene.

Du er lykkens fe
Du er den jeg først vil se
Hver morgen, hver eneste dag
Og i evighed
Har jeg hos dig mit sted
Min verdens bedste ven

Du er min i dag
Du min hjertesag
Du er smuk som solens første smil
Du er hjertets lys
Dine kram og kys
For du er min ene – du.

:Dagbjört tónlistardís með kút í bumbunni

Du er min ene

2007-10-23T10:30:00.001+02:00

þá er loksins komið inn nýtt lag

það er lagið sem ég samdi fyrir brúðkaupið hjá Mie og Henrik, vinum okkar, og sem ég söng í kirkjunni, 6. okt

ég samdi textann meira að segja að mestu leyti sjálf, en fékk smá hjálp frá móður brúðarinnar sem fyllti útí erindin. viðlags-textann samdi ég alveg sjálf og er frekar montin af ;)

lagið heitir Du er min ene

ég hendi inn nótunum við næsta tækifæri ;)

:Dagbjört söngvaskáld með bumbu

Allt að gerast

2007-10-14T11:37:00.000+02:00

já það er lang í frá að vera gúrkutíð í um það bil öllum þeim málaflokkum sem ég hef mestan áhuga á, þ.e. pólitík, tónlist, tónlistarpólitík, bókmenntum, bókmenntapólitík, kvenréttindum, umhverfismálum og umhverfismálapólitík

þökk sé binga, radiohead og nóbelsnefndinni

Lessing fékk nóbelinn
og það er merkilegt fyrir m.a. það að

hún er bara 11. konan sem fær hann

henni var sagt fyrir áratugum að hún myndi aldrei fá hann (ef marka má heimildir)

hún ákvað á tímabili að nota vísindaskáldsögur sem ramma um sögur af manneskjum og skammaðist sín ekkert, á meðan snobbliðið sneri uppá nefið

verð svo að viðurkenna að ég hef ekki lesið eina einustu bók eftir hana, en þær hafa margar verið til heima hjá m&p síðan ég man eftir mér. ég fór auðvitað fyrst að hafa áhuga á svona bókum eftir að ég fæddist í þriðja sinn, og síðan (síðustu 2 og hálft árið) hefur verið sægur af bókum á "verðaðfaraaðlesaþessa" listanum. það er erfitt að vita hvar ég á að byrja, og líka erfitt að vita hvað ég eigi í raun eftir að fíla.

efst á listanum er núna Leif Panduro eins og hann leggur sig, og "Rend mig i traditionerne" liggur við rúmið mitt - en út af úlnliðunum þá hef ég verið í bókabindindi síðust vikur og það er EKKI GAMAN þegar ég eyði fullt af tíma í að "taka því rólega" síðan ég varð ófrísk

Doris Lessing er hér með komin á listann á eftir Panduro, og ég reikna með að byrja með "the fifth child" sem var kominn á listann minn fyrir - storesös vakti forvitni mína á henni fyrir löngu

Bingi
hefur aldrei verið í miklu áliti hjá mér, frekar en aðrir (virkir) framsóknarmenn, en hann óx þó nokkuð þegar ég las bloggið hans Einars K. um að Bingi hefði stungið rýtingi í bakið á Halldóri Ásgríms.
Einar K. skrifar eins og honum finnist bannað að gagnrýna ráðamenn, (eins og Sólveigu Péturs fannst ljótt að gagnrýna dómskerfið þegar hún var dómsmálaráðherra) en það er afstaða sem mér finnst lýðræðinu blátt áfram hættuleg og við vitum öll að tíðkast í fasistaríkjum. honum finnst alveg extra ljótt að gagnrýna Halldór, af því að hann er hættur, en Halldór hætti jú af því að þjóðin hafnaði þeirri stefnu sem flokkurinn hafði tekið undir hans forystu...

Bingi er bara að sýna sanna framsóknartækifærismennsku með að snúa frá óvinsælli stefnu Halldórs og takast á við nýja tíma og strauma í flokknum sínum

ég vona auðvitað ennþá að framsókn þurrkist á endanum út í Reykjavík, og helst hefði ég viljað að Dagur og Svandís hefðu fengið nægilegt umboð til að fá að stjórna án hans...
en þetta er spennandi allt saman, og forvitnilegt að fylgjast með hvernig eigi eftir að ganga. tapið í síðustu kosningum varð til þess að hreinsa út mikið af gömlu liði sem var orðið ansi þreytt og nú fá Dagur og Svandís og félagar að spreyta sig.
hvaða áhrif þetta hefur svo á næstu kosningar.... það á eftir að koma í ljós

mér finnst samt einkennilegt að heyra yfirlýsingar um að félagshyggjan sé komin til að bjarga borginni þegar það er ekki nema rúmt ár síðan hún stjórnaði þar síðast, og þá í 12 ár. vonum að ný forysta eigi eftir að sanna sig :)

ég var hissa
á að Gore fengi nóbelinn, þó að margir hefðu spáð því
kannski fannst mér hann fyrir neðan virðingu nóbelsverðlaunanna, þ.e. hans aðferðir allar, en það er auðvitað rétt að hann hefur náð árangri við að vekja fólk til meðvitundar um mikilvægt mál
við sem fylgjumst eitthvað örlítið með þessum málum vitum að hann er öfgafullur, ýkir mikið og fær sumt rökhyggjufólk til að hrista höfuðið og trúa ekki, því hann fer illa með heimildir
auk þess er hann amerískur pólitíkus sem notar orð eins og "anti-american" um loftlagsnefndina og var varaforseti Bandaríkjanna þegar ÞEIR SKRIFUÐU EKKI UNDIR KYOTO BÓKUNINA

ég er svo ánægð með framtak RADIOHEAD
að ég held að það eigi skilið blog-færslu út af fyrir sig
kannski seinna í dag eða í vikunni, þegar ég er búin að hlusta meira á "diskinn" ;)

núna þarf ég að fara að hafa mig í að taka upp lag...

:Dagbjört tónlistarpólitískaumhverfislestrardís

Tveir góðir

2007-10-07T10:06:00.001+02:00

um meðgönguna:

Andrés: þetta gefur hugtakinu "Þitt innra barn" alveg nýja merkingu!

Núrfah (sem er komin 7 mánuði á leið): þetta er 9 mánaða download

og þá er ég búin með rúmlega 40% - ágætis leið til að mæla framvinduna ;)

:D

ÞRÍTUG!

2007-10-02T18:25:00.000+02:00

og það er frekar meiriháttar :D

partýið var frábært, nema hvað ég var með magakveisu daginn áður og um morgunninn og gat ekkert borðað og varla staðið, svo allt í einu klukkan 16 á laugardeginum voru 3 tímar í partý og ekkert búið að þrífa og Andrés, sem var ekki heima daginn áður, kominn á haus í eldhúsinu eins og alltaf þegar von er á gestum!!!
þá mætti konið mitt á staðinn og gerði sér lítið fyrir og reddaði þessu bara fyrir litlu veiku ófrísku mig! heimsins besta besta besta vinkona!!!

svo vorum við hérna 17 manns og allir skemmtu sér svo vel, að við hættum við að fara í þá leiki sem við höfðum skipulagt til að halda uppi stuði, þess þurfti ekki :)
klukkan 12 á miðnætti var ég svo orðin 30 og þá settum við Andrés upp hringana (sem við keyptum í Gull og Silfursmiðjunni Ernu, og það var EINA gullsmiðjan sem við fórum í, enda frábær)
þarmeð erum við merkt hvort öðru, en auðvitað búin að vera trúlofuð í hálft ár :)

svo var skálað í freyðivíni (líka óáfengu)
og opnaðir pakkar :þ

fékk meðal annars dekur og nudd og skartgripi og geisladiska og æðisleg sængurföt
og svo dönsku "vísnabókina" sem inniheldur ÖLL barnalögin MEÐ nótum !
hún er alveg frábær, og það er fullt fullt af lögum í henni sem eru líka til á íslensku, en oft með bara svona oggu ponsu pínulítið öðruvísi laglínu!
t.d.
uppá grænum grænum himinháum hól
fram fram fylking
gekk ég yfir sjó og land (íslenska útgáfan er lagrænt skemmtilegri)
og margt margt fleira
meirihlutinn af barnalögunum okkar, er til líka á dönsku
nema þau sem eru BARA íslensk (eins og þessi allra bestu)

annars bara fljúga vikurnar framhjá, bumban stækkar (nei það verða líklega engar bumbumyndir), það er nóg að gera í vinnunni, og ég er að fara að syngja í brúðkaupi á laugardaginn, sem verður í fyrsta sinn sem ég syng opinberlega, síðan á 8. stigs tónleikunum. kvíði soldið fyrir því, enda með stanslaust óléttukvef og get lítið æft mig hérna heima, vegna þess hvað veggirnir eru þunnir, og ég hef bara orku á morgnanna...

kannski ég reyni að blogga oftar og stutt í hvert sinn, en það er bara svo sjaldan sem ég næ að fara í tölvuna eftir að ég kem heim, þessa dagana :þ

en allavega, það er frábært að vera þrítug, lífið er frábært, og lífið vex inní bumbunni á mér

takk fyrir öll afmælis sms-in og tölvupóstana, það var frábært að heyra frá ykkur

*knús og kossar*

:Dagbjört bumbudís

kríli á leiðinni

2007-09-04T15:47:00.000+02:00

jæja, þá er það orðið opinbert, hvað hefur átt hug minn svo til allan síðustu 3 mánuðina og gert mig að ákaflega lötum bloggara.

ég er sumsé ófrísk, og komin 12 vikur á leið, og við Andrés erum frekar hátt uppi í skýjunum eftir að hafa fengið að sjá litla krílið í fyrsta sinn í sónar í dag.

það er 5,7 cm frá höfði að hala :D

nú ætla ég ekki að verða ein af þessum bloggaramömmum sem halda að allur heimurinn hafi jafn svakalega mikinn áhuga á börnunum hennar og hún, svo það verður bara að koma í ljós hversu dugleg ég verð að blogga um annað...

ferðin til Íslands var annars alveg frábær, fyrir utan að vera allt of stutt, og við náðum alls ekki eins miklu, né að hitta eins marga og við hefðum kosið - og nú þegar storesös er flutt heim frá Norge var heldur betur erfitt að skipta sér upp. strákarnir hennar skildu líka ekki alveg af hverju ég gisti ekki hjá þeim ;)

ég hélt aldrei að það gæti komið mér á óvart hvað útsýnið er æðislegt, loftið ferskt og vatnið gott... en það gerði það samt

ég fékk nefnilega allt í einu lyktarskyn á meðgöngunni, og ég verð að viðurkenna að það er frekar ógeðsleg lykt af Kaupmannahöfn á sumrin...

það var því frískandi að koma heim í rigningu og rok sem blæs öllum ógeðslega bílaútblæstrinum langt á haf út :)

en bara svona svo að enginn gleymi því:

!!! ég verð 30 ára á sunnudaginn !!!

:Dagbjört litla næstum þrítuga bumbudís

gítarraunir

2007-08-18T13:59:00.000+02:00

var að reyna að spila á gítar, en vinstri höndin, sem er búin að jafna sig frekar vel, og hefur ekkert verið sár í mánuð, bara emjaði af sársauka !!!

buuuuuuuhuuuuuuuuuuuuuuuuu, það er meira en hálft ár síðan þetta helv. sinaskeiðavesen byrjaði, og ég má reikna með að vera í gítarbanni í amk hálft ár í viðbót.
þar fóru öll plön um rafmagnsgítarnámskeið í haust :(

er sem betur fer farin að geta spilað smá á píanó, og sjúkraþjálfarinn mælir með 15 mínútum á dag, en það er sumt sem er bara skemmtilegra að spila á gítar - og pikka upp
kannski neyðin kenni mér að spinna, ef ég neyðist til að pikka upp á píano...

endalaust mikið að gera í vinnunni, en frekar spennandi
ég er að læra á Ruby on Rails sem er bara eins og draumur hvers forritara, svo í þetta skiptið get ég sko ekki kvartað undan að vinnan mín sé ekki nógu krefjandi. var líka að hanna einn flóknasta gagnagrunn sem ég hef gert, en ég held barasta að hann sé frekar vel heppnaður. það eru samt ennþá að bætast við töflur, enda fylgi ég ítrunaraðferðinni fram yfir úrelda fossa.

hef ég einhvern tímann áður bloggað um vinnuna? hún hlýtur þá að vera spennandi ;)

eftir 3 vikur og 1 dag verð ég hvorki meira né minna en ÞRÍTUG!!! (9. sept, fyrir þá sem ekki nenna að reikna)
partýið verður kvöldið áður, ef einhver er á leiðinni hingað út...

annars kem ég til Íslands næsta föstudag (24. ágúst) og verð í bænum í viku, en fer svo norður, til að vera við brúðkaup eins uppáhalds frænda míns - en ég á reyndar nokkra svoleiðis
Andrés verður með, frá mánudeginum 27. svo maður þarf að deila sér í tvennt til að hitta hans fólk og mitt fólk og úff, ég fæ næstum hausverk af að hugsa um það

allavega, sýnið mér þolinmæði þó ég nái kannski ekki að hitta alla - við komum aftur um jólin og verðum lengur

*knús og kossar*

:Dagbjört handlama dísulísuþrítugskvísa

p.s. gleymdi að segja síðast að ég las loksins Persuasion og hún er alveg frábær! pottþétt sú besta frá Austen

votur lestrarjúlí

2007-08-05T13:27:00.000+02:00

(þessi færsla inniheldur EKKI spoilera)

ég var alin upp við að það væri slökkt á sjónvarpinu allan júlímánuð
það var nú auðvitað útaf smá fasisma hjá stjórnvöldum í þá daga, en það er samt alveg fast í mér að það sé mikil synd að kveikja á imbanum þegar sólin skín næstum til miðnættis.

hér er líka bjart á kvöldin, þó júlí hafi verið jafn votur hér í Danaveldi og hann var sólskinsríkur á Íslandi. Trausti veðurfræðingur segir að veðrakerfin hafi áhrif hvort á annað, þannig að þegar þið fáið Háþrýstisvæði þá fáum við Lágþrýstisvæði og öfugt.

en þrátt fyrir votan júlí, þá vildi ég samt ekki kveikja á kassanum og Andrési tókst með herkjum að fá mig til að horfa á dvd kannski einu sinni í viku, og mátti þola mikil mótmæli í hvert sinn greyið. frekar mikil anti-sjónvarpisti og sérstaklega á sumrin, en það vissi hann nú alveg þegar hann hitti mig, og fílar það alveg. pabbi spurði mig um daginn hvort sjónvarpið hjá okkur virkaði, eða hvort það væri bara til skrauts. við keyptum það sko ekki, heldur fengum það gefins frá tengdapabba þegar hann fékk sér flatskjá (nema hvað)

en hver vill líka horfa á lygar í sjónvarpi, þegar maður getur lesið ???
í fyrirHPspenningnum fyrr í mánuðinum tætti ég í gegnum alls konar bækur, en það sem kom mér mest á óvart var að ég er allt í einu komin með áhuga á þroskasögubókum eins og t.d. Catcher in the Rye (sem mér fannst frekar leiðinleg fyrir 10 árum) og Leif Panduro bókum og fleiru. ég hef allt í einu áhuga á allt öðruvísi sögum en áður, og hef miklu minni þolinmæði fyrir hvers konar "tilgangslausri" froðu. er samt ekki komin í tilfinningaklámið, og efast um að það verði nokkurn tímann.

svo kom HP 7, og við keyptum okkur sitt hvort eintakið, sátum allan laugardaginn og hálfan sunnudaginn og lásum í kapp, en með sama hraða, svo það var meira spurning um hvort okkar fórnaði sér í að taka til mat, og hvort fór oftar á klósettið. að lokum varð þó úr að Andrés fékk að vera 2 - 5 blaðsíðum á undan mér, því ég snökkti alltaf upphátt þegar einhver dó, sem skemmdi fyrir honum, ef ég var á undan.

(smá rýni, en ENGINN spoiler)

bókin stóð fyllilega undir væntingum, og alveg hreint ótrúlegt hvað hún JKR var búin plana þetta allt frá upphafi, og hvað síðasta bókin bergmálaði þá fyrstu bæði vel og fallega. í heildina frábær bókaflokkur, ótrúlegt skipulagsafrek og sköpunarverk sem heimur og saga með mjög mikilvægan og góðan boðskap. hún er kannski ekki meistari á enska tungu eins og Tolkien, en hefur samt skemmtilegan og lifandi frásagnamáta sem nær greinilega betur til barna en flest annað. og það er það sem skiptir mestu máli.

eini gallinn er að ég er ekki enn búin að finna mér næstu bók til að lesa...

stelst til að skrifa smá

2007-06-21T19:52:00.000+02:00

hún er þrálát, þessi sinaskeiðabólga

er núna með spelkur, gleypi bólgueyðandi og fæ rafstraums og hljóðbylgjumeðferð hjá sjúkraþjálfa.

svo ég hef ekki mikið getað bloggað

er annars byrjuð í nýrri vinnu, sem er frekar spennó, og alveg hrikalega krefjandi núna fyrstu vikurnar :p

geri samt lítið sem ekkert þar fyrir utan, minn ástkæri býr til mat, vaskar upp, hengir upp og brýtur saman þvott og þrífur húsið. svo þvær hann mér um hárið og greiðir það stundum líka

nú er komin dagsetning fyrir undirskrift stóra samningsins
þ.e. þegar ég skrifa undir að deila öllu sem ég á og eignast með betri helmingnum mínum og að við verðum framvegis nánasta fjölskylda hvors annars

það á að gerast 19. júlí 2008 og væntanlega á Þingvöllum. athöfnin í kringum undirskriftina verður að heiðnum sið, og ég þarf að fara að koma mér í gang við að semja tónlist...

ég set þetta svona fram vegna þess að mér finnst allt brúðkaupstal á netinu og í samfélaginu snúast um athafnirnar og umbúðirnar en ekki innihaldið, þ.e. þennan ótrúlega mikilvæga samning við stofnun fjölskyldu (sem maður getur lent í miklum vandræðum án)

mér finnst þetta í rauninni ótrúlega einfalt, og get ekki annað en haft á tilfinningunni að þeir sem vilja ekki gifta sig, en vilja samt eignast börn, séu einfaldilega ekki nógu ástfangnir. annars væri varla neitt mál að veita ástinni sinni það veraldlega öryggi sem felst í því að skreppa niðrí ráðhús og skrifa undir samninginn.

ekki misskilja, það er skárra að sleppa því en að skrifa undir með hangandi hendi, en þá er bara málið að hætta þessu rugli og hætta saman.

en það er auðvitað auðvelt þegar maður er ástfanginn að þykjast vera að gera allt rétt ;)

sinaskeiðabólga attur

2007-05-18T13:04:00.000+02:00

svo ekki mikið um blogg næstu vikurnar

en HÚRRRRRRRRRRRRRRRRRRRRRRRRRRRRA! og TIL HAMINGJU ÍSLAND!!!!

með að stjórnin hætti

þá er bara að fara að biðja allar góðar vættir að vaka yfir heilbrigðiskerfinu
ein af bestu vættunum (mamman mín) er auðvitað alltaf að því, en hún gæti örugglega þegið smá hjálp...

Búnað kjósa

2007-05-10T12:13:00.000+02:00

kom heim frá Köln á mánudagsmorguninn, illa sofin, illa étin og í hálfgerðu uppnámi yfir að vera að fara að kjósa.
kíkti á netið til að fara yfir framboðslistana og komst í ennþá meira uppnám.
hvernig átti ég að fara að því að velja á milli???

á endanum hringdi ég í pabba sem sagði mér að það skipti ekki máli hvort ég kysi svo framarlega sem það væri annað hvort V eða S og ekki annað
til að fella ríkisstjórnina
það lítur víst út fyrir að Ómar blessaður gæti hjálpað henni að halda velli, þó hann hafi örugglega alls ekki ætlað sér það :s

svo ég kaus
annað hvort

skiptir ekki svo miklu máli hvort, ég passa í rauninni inní hvorugt

vil frelsi
en ekki selja landið einhverjum útlenskum risum, hvort sem þeir framleiða ál eða eitthvað annað

vil fjárfesta í menntamálum og nýsköpun og þróun vetnisvéla og annarrar umhverfisvænnar tækni
gjörbreyta utanríkismálum
og hætta að ætlast til að heilbrigðiskerfið "borgi sig" á einhvern peningalega mælanlegan hátt
og koma skólatannlækningum á aftur
og margt margt fleira

ég passa í rauninni best inn
í Danmörku

land frelsis og félagshyggju

en ég held áfram að kjósa heima, enn um sinn, því ég get ekki látið mér standa á sama
og auk þess hef ég kosningaskyldu þar næstu 7 eða 8 árin.

:D

Besta myndin

2007-04-09T11:04:00.000+02:00

Einn góðan veðurdag ákvað Guillermo del Toro að búa til mynd bara handa mér. Hann bretti upp ermarnar, sagði: "jæja, nú ætla ég að búa til mynd handa henni Dagbjörtu" og svo bjó hann til El Laberinto del fauno eða Pan's Labyrinth sem gæti útlagst á íslensku sem Völundarhús fánsins.

Hún er bara æðisleg.
Tónlistin, myndatakan, leikurinn, brellurnar, ímyndunaraflið, fegurðin, hryllingurinn, ævintýrið...
og þessi fallega saga

mér leið eins og ég væri fullorðin að upplifa Bróður minn Ljónshjarta í fyrsta skiptið en með kvenkyns hetjum
mér leið eins og ég væri lítil stelpa á töfraskóm
ég grét yfir fegurðinni og tók andköf yfir hryllingnum

ég er ennþá að hugsa um hana
og ég er búin að pikka upp vögguvísuna

við sem eigum ævintýrið, við eigum alltaf lítinn glugga til að komast út um - eða krít...

lofuð

2007-03-30T17:18:00.000+02:00

"hvaða vikudagur er áttundi áttundi núllátta?" spurði Andrés fyrir nokkrum vikum

*hint hint*

...

við Andrés eigum voða erfitt með að slíta okkur hvort frá öðru á morgnanna. Okkur tekst stundum að vakna uppúr 6, en förum sjaldnast á fætur fyrir klukkan 7.
Í morgun var svo útvarpsvekjarinn með hljóðið skrúfað niður, svo við sváfum fastast til klukkan 8 :)

það þýddi samt ekki að við stykkjum upp og drifum okkur af stað. Andrés er í próflestrarfríi, og ég bara er ekki þannig manneskja.
og þó ég færi framúr og klæddi mig var hann líka alltaf að toga mig aftur til sín. þannig er hann soldið.

svo bað hann mig að giftast sér :D
og ég sagði auðvitað já, enda ekki erfið spurning :)

svo nú erum við trúlofuð, fyrir þá sem ekki eru ennþá búnir að frétta það, og brúðkaup er áætlað í júlí eða ágúst 2008

samt ekki 8. ágúst, engar áhyggjur afmælisbörn, það er ekki einu sinni laugardagur, eins og útskýrði fyrir Andrési þegar hann spurði ;)

góða helgi allir

*knús og kossar*

:Dagbjört trúlofaða

hvað á ég að kjósa?

2007-03-25T12:23:00.000+02:00

úff, mér finnst ég í alveg ferlega erfiðri aðstöðu.
Var um það bil búin að ákveða að kjósa eftir þeim 2 málefnum sem mér finnast skipta mestu máli hvað varðar mun á flokkunum tveimur, þ.e. umhverfismál og utanríkismál...

svo komst ég að því að ég er í Reykjavík Suður.
Efst á S listanum í reykjavík suður er... já þið vitið hver.
Fyrir 13 árum í dag vann ég sjálfboðavinnu eftir skóla fram á kvöld á hverjum degi í amk. 2 vikur og hjálpaði þannig til að gera hana að Borgarstjóranum í Reykjavík og að gera Reykjavík að því sem hún er í dag. En ég fékk ekki að kjósa hana sjálf. Þá vantaði mig nefnilega hálft annað ár í kosningaréttinn.
Svo 4 árum seinna voru m&p flutt í Kópavoginn, og ég með. 4 árum eftir það bjó ég í Kanada...

en núna má ég loksins loksins kjósa hana
og þá...

Solla var frábær í kvennalistanum. Og frábær borgarstjóri. En eftir að hún hætti sem slíkur hefur hún ekki staðið undir mínum væntingum. Það er líklega erfitt að hafa völdin í svona mörg ár og fara svo allt í einu yfir í stjórnarandstöðu. Góðir leiðtogar eru sjaldnast góðir í andstöðu... ég get alveg fattað það. Vandamálið er líka ekki hún, heldur flokkurinn sem hún leiðir og stefnan og stefnuleysið og tækifærismennskan sem sá flokkur stendur fyrir.

í 2. grein stefnuskrár þeirra (Heilbrigðismál) stendur m.a.:

Skilgreina þarf hlutverk heilbrigðisstofnana og heilbrigðissviða og hafa valfrjálst stýrikerfi.

valfrjálst stýrikerfi? hvað meiniði eiginlega? var það gamla pr-teymið frá OZ sem skrifaði þetta?

úr 3. grein (Menntamál):

Þeim sem útskrifast með framhaldsskólapróf og háskólapróf í hverjum árgangi verði fjölgað um fjórðung á næstu árum.

uh, hvernig er þetta stefna? hvernig þið ætlið að ná þessu fram væri stefna.

aftur úr 2. grein:

Auka vægi einkareksturs, útboða og þjónustusamninga í heilbrigðisþjónustu þar sem markmið jafnaðarstefnunarinnar eru tryggð.

Það eru bara ein rök með tískufyrirbærinu einkarekstri í þessum geira: frelsi lækna.
Heilbrigðiskerfið snýst hins vegar ekki um frelsi lækna, heldur velferð sjúklinganna. Þetta kerfi er miklu dýrara fyrir ríkiskassan (fleiri ónauðsynlegar aðgerðir) og verra fyrir sjúklingana (fleiri ónauðsynlegar aðgerðir). Hver vill kerfi sem býður uppá að (gróða)hagsmunir læknisins sjálfs hafi áhrif á ákvörðunartöku. Jú margir læknar "myndu aldrei" og svo framveigis, en þeir eru alls ekki allir heilagir og algóðir englar í mannsmynd. Þeir eru líka mannlegir og eiga bara aldrei að þurfa að vera í svona aðstöðu. Miklu hærri útgjöld eru niðurstöðurnar sem liggja fyrir í þeim löndum þar sem einkarekstur hefur verið reyndur (t.d. Ástralíu), og svo hef ég prófað heilbrigðiskerfið í 3 ólíkum löndum og m.a. orðið vitni að svona ákvarðanatöku sjálf.

og svo mikilvægast (fyrir mig við þessa ákvarðanatöku) úr 11. grein (utanríkismál):

Breiða samstöðu þarf að skapa meðal þjóðarinnar um samningsmarkmið sem látið verði reyna á í aðildarviðræðum við Evrópusambandið. Niðurstöðurnar verði lagðar undir þjóðaratkvæði.

Evrópusambandið sem var stofnað til að vernda hagsmuni Evrópu gagnvart öðrum heimshlutum. Sem niðurgreiðir landbúnað svo mikið að það er ódýrara fyrir sælgætisverksmiðju í S-Afríku að kaupa danskan sykur en þann sem er framleiddur á bóndabænum við hliðiná. Og kemur svo í veg fyrir að Afríkuríki geti sett upp sams konar styrkjakerfi, með viðskiptaþvingunum. Sem er alltaf að senda Afríku styrki en bara ef þeir eru notaðir til að kaupa vörur frá Evrópu. Já, sem níðist á nágrannanum sínum í suðri ekkert síður en kaninn. Og banna Dönum að banna hættuleg efni í mat, af því að franskir eða spænskir matvælaframleiðendur vilja halda áfram að nota þau. Og ákveða á gulrætur séu ávextir, af því að þær eru notaðar í sultur (ok ekki mikilvægt, en hjálp! hvað það er fáránlegt). Fyrir utan fiskinn fiskinn fiskinn, sem kemur í veg fyrir að það verði nokkurn tímann mögulegt að vera með í þessu félagi. Hamingjunni sé lof fyrir það.

Umhverfismálin eru líka alltof tækifæriskennd hjá þeim, svona álíka og Hillary Clinton og Íraksstríðið. Fyrst með og svo á móti eftirá. Ekki beinlínis trúverðugt.

Ef ég væri blaðamaður myndi ég líka spyrja Sollu: "Ef þú yrðir forsætis- eða utanríkisráðherra, og George Bush myndi svo hringja í þig og biðja um (eða heimta) stuðning við árás á Íran, hvernig myndirðu bregðast við?" Ég veit hvað Steingrímur myndi gera...

ég las stefnuskrá V um daginn og þó ég sé ekki sammála öllu og kannski vel frjálslyndari en þeir þá eru þeir samt með hluti eins og:

Skóli án aðgreiningar - Tryggja ber að allir nemendur eigi jafnan rétt og jafna möguleika á að stunda nám þar sem hæfileikar þeirra njóta sín best. Skólar þurfa að geta mætt þörfum hvers og eins...

Svo þeir styðja þá ekki "allir eiga að vera eins" skólakerfið sem reyndi að gera út af við okkur systkinin. Þ.e. ekki eins gamaldags stefna í þeim málum og ég hélt áður.

Já, málefnaskráin hjá V er sumsé að stærstu leyti betri en hjá S
en listinn hjá S í Reykjavík Suður er bara svo svakalega sterkur...

og það verður erfitt að mega loksins kjósa Sollu og gera það svo ekki

argh

já langur pistill, en þetta er líka erfitt mál

p.s. Af hverju er Jóhanna Sigurðardóttir ekki í 1. sæti í Reykjavík Norður? Hún er einhver pottþéttasti og duglegasti alþingismaður sem við eigum!

p.p.s. ds: Það er ekki svo mikið að allt verði að vera bara grænt, heldur fyrirhyggjusemin og spillingin og þessar framsóknar patentlausnir sem eru ekki lausnir heldur oft bara ný vandamál. Lestu Draumalandið, Andri er hægri grænn og hann færir fullt af bæði hægri og grænum rökum á móti þessu öllu saman. Fyrir utan hvað hann er frábær penni. Vinur minn í frjálshyggjufélaginu er líka á móti þessari yfirgengilegu fyrirhyggju. Bið annars að heilsa ;)

p.p.p.s. já og það er óþarfi að stinga uppá að ég kjósi eitthvað annað en annan hvorn þessara tveggja. Ég ber virðingu fyrir D, amk. þeim þar, sem trúa því að D stefnan sé landinu og okkur öllum fyrir bestu (þ.e. ekki bara þeim sjálfum), og margir eru með af mikilli hugsjón. En ég er þeim ósammála um grundvallaratriði.

Grátt eða grænt?

2007-03-20T20:51:00.000+01:00

jæja, ef svo ólíklega vill til að þið hafið ekki heyrt um hann, þá er Sáttmálinn um framtíð Íslands kominn á netið til undirskriftar hér.

Meðal þess helsta er:

1. Við höfum kjark til að byggja upp fjölbreytt og lifandi samfélag á Íslandi þar sem hugvit og sköpunargleði einstaklinga fær að njóta sín þeim sjálfum og öðrum til heilla.

2. Við sýnum komandi kynslóðum virðingu með því að láta lögfesta áætlanir um náttúruvernd áður en nokkuð frekar er aðhafst í orkuvinnslu.
3. Við öxlum ábyrgð á tímum viðsjárverðra loftslagsbreytinga í heiminum með því að fylgja alþjóðlegum skuldbindingum um losun gróðurhúsalofttegunda.

Og það er líka bent á að núverandi áætlanir í stóriðjumálum:
1. Takmarka nýtingu á fjölbreyttari og verðmætari tækifærum
2. Krefjast gríðarlegra fórna á náttúruverðmætum
3. Skuldbinda orkulindir Íslands til einhæfra nota til langs tíma
4. Leiða af sér aukna losun gróðurhúsalofttegunda

Það sem fer hvað mest í taugarnar á mér er ósvífnin í stjórnmálamönnum sem halda að þeir séu með bestu lausnina til að skaffa 200 manns vinnu. Hvað varð um hæfileika þessara 200 manna til að finna og velja sér vinnu sjálfir? Eða eins og Andri skrifaði, geta ekki 200 heilar fundið fleiri möguleika en einn?

:Dagbjört skógardís

Apar

2007-03-01T13:13:00.000+01:00

Ef þið eruð ekki búin að lesa Bakþankana eftir Þráin Bertelsson frá því á mánudaginn, þá verð ég bara að benda á þá hér.

Gætið þess að lesa þá með vott af kaldhæðni, einhver sem skrifaði skoðun virðist hafa misskilið hann örlítið.

Ég vona annars að nýjustu rannsóknir á Simpönsum verði til þess að við förum að fara betur með þá greyin og hættum að loka þá inní einhverjum pínulitlum búrum. En nú finnst mér líka grimmt að halda hunda í borg...

islandsbryggja.dk

2007-02-13T12:03:00.000+01:00

kæru allir sem þetta lesa

undanfarið hef ég í atvinnuleysi mínu verið að vefa heimasíðu fyrir tengdó.
þannig er mál með vexti að tengdó býr á Íslandi en keypti sér glænýja lúxusíbúð á Íslandsbryggju síðasta vor. Hugmyndin er að hafa alltaf vísan stað þegar þau kíkja í heimsókn, og geta komið oftar og vera óháð okkur. Og svo á þess á milli að leigja íbúðina út til annarra Íslendinga sem heimsækja Køben. En hvernig getur fólk vitað af íbúðinni? Jú með heimasíðu, að sjálfsögðu, og þar sem ég hef verið minna upptekin undanfarið (en ég er vön) þá skellti ég mér í verkefnið. Síðan fór svo í loftið í síðustu viku, og þó við eigum etv. eftir að skrifa meira innihald hér og þar, þá erum við mjög ánægð með útkomuna. Það eina sem vantar er að hún googlist, og til þess þarf fólk að skoða hana. Svo mig langar að biðja ykkur, öll sem hafið tíma, til að kíkja á síðuna (og sjá hvað ég er búin að vera dugleg). Hún er á www.islandsbryggja.dk og þar eru líka alls konar sniðugir hlekkir til að kynna sér Kaupmannahöfn og hvað er að gerast. Og ef þið þekkið einhvern á leiðinni til Køben sem vantar góða gistingu, þá megið þið auðvitað benda á hana ;)

takk allir

*knús og kossar*

:Dagbjört vefari

ilmurinn

2007-02-13T11:16:00.000+01:00

ólíkt Grenouille hef ég alltaf haft frekar lélegt lyktarskyn. það hefur svosem nokkra ágæta kosti, svo sem að geta unnið í fjósi án þess að finna fyrir neinu, en mér finnst frekar leiðinlegt að missa af lyktarminninu sem flestir hafa, t.d. gagnvart sínum nánustu.

ég hef alltaf verið hrædd um að þetta gæti leitt til þess að ég sjálf lyktaði illa án þess að vita það, og þess vegna verið extra passasöm með að baða mig og þvo fötin mín. hins vegar komst ég aldrei upp á lag með að nota ilmvötn. kannski var það bara vegna þess að ég kunni engan veginn að velja mér ilmvötn og þau sem ég fékk gefins pössuðu mér ekki (fyrir utan eitt sem ilmaði af sólskini og appelsínum og ég notaði á hverjum degi um 17 ára aldurinn þangað til það kláraðist).

Svo í nóvember 2004 vorum við söngskólapíurnar með kórnum í New York og eins og hver annar ungkvennahópur eyddum við ca. hálfum degi inni í Victoria's Secret. Þar keypti ég sérstaka gjafaöskju sem var bara til fyrir jólin (jólavertíðin þar vestra hefst 1. nóv) sem innihélt 6 mismunandi ilmandi bodyspray í litlum brúsum. Þetta var einmitt það sem ég þurfti, þ.e. tækifæri til að prófa ilmina á sjálfri mér, hvern fyrir sig. Og ég var sko ekki lengi að finna mitt uppáhald: Jasmin, ástríðuávöxtur og mangó blandað saman í ilminn sem Victoria's Secret Garden kallar "Forbidden Fantasy". mmmmmm

Síðan hef ég fengið vesturfara til að kaupa þennan ilm fyrir mig eða einfaldlega pantað yfir netið, þannig að ég eigi alltaf nokkra brúsa.

Fyrir akkúrat 18 mánuðum í gærkvöldi var ég líka vel og vandlega úðuð með honum, þegar ungur maður sem finnst fátt jafn gott og mangó bar mig augum og nösum í fyrsta sinn. Ef konur eiga að ilma eins og matur, þá valdi ég amk. hárrétta ávöxtinn handa Andrési ;)

Og svo í dag þegar við erum búin að vera saman í 18 mánuði (eitt og hálft ár), þá hringdi hann í mig klukkan 9 í morgun og spurði hvort ég væri á leiðinni í bað? og svo bað hann mig um að kíkja inní skáp. Þar var hvorki meira né minna en PAKKI !!! handa mér !!!

og inní pakkanum var Body Shop gjafaaskja með ástríðuávaxtarilmandi sápum og kremi og alls konar. mmmmmmm. og við sem eigum enga sturtu og erum alltaf í baði og oftast saman og Andrés sem þvær á mér hárið núna þegar ég er puttabrotin. sérstaklega í því ljósi, var þetta alveg extra extra rómó og sætt og mér hefði líka bara aldrei dottið í hug að ég fengi pakka á eins og hálfsárs deginum okkar.

og í kvöld þegar Andrés kemur heim af körfuboltaæfingu (sem ég ætti að vera á), þá ætlum við að gæða okkur á Sushi hér heima og hafa það kósí :p
kannski ég reyni að gera soldið fínt hérna heima. hvernig ætli sé að ryksuga puttabrotin? ég ætla svo að bæta mér upp að geta ekki spilað körfu með því að hjóla alla leið á uppáhalds Sushi staðinn okkar á Nørregade til að sækja matinn og fá þannig smá hreyfingu :p

18 mánuðir
þar af 10 í sambúð
ekki slæmt ha?

*knús og kossar*

:Dagbjört dísulísuilmvatnsskvísa

Vín, Wien

2007-02-08T12:09:00.000+01:00

jibbí ég var að panta miða til Vínarborgar að heimsækja tvær af mínum uppáhalds söngdívum, Dóru og Rannveigu sem einmitt leigja þar saman og eru í söngnámi :D

fer eftir rúmar 2 vikur :p

ég var næstum búin að kaupa miða heim til Íslands en m&p eru upptekin allan febrúar. svo er líka ódýrara og styttra að fara til Vínar og ég sakna stelpnanna alveg helling.

það verður mikið kjaftað og haft mjög hátt :D

annars fer vonandi að færast smá hiti í atvinnuleitina, þar sem ég er búin að útvega mér skínandi skrifleg meðmæli.

slysó hringdi á mánudaginn til að láta vita að yfirlæknirinn hefði farið yfir röntgenmyndirnar af puttanum og komist að því að hann er meira brotin. hann á því að vera teipaður við baugfingur allar 3 vikurnar sem hann er að gróa. ég er fegin því, því spelkan sem ég var komin með var mjög óþægileg og sársaukafull á stundum og ég bara fann á mér að það væri ekki nógu gott að vera með hana.
svona líður mér miklu betur, en nú hef ég bara 2 fingur á vinstri hendi til að nota á lyklaborðinu, svo ég geri mikið af innsláttarvillum. langatöng er í 300% starfi greyið. hún verður bara að venjast því.

við erum annars alltaf að verða hjónalegri hjónaleysin. nú er Andrés komin með gleraugu í fyrsta skipti á ævinni, og eftir mjög sársaukafulla leit (kærastan er mjög erfið við að velja gleraugu) þá fannst rétta umgjörðin sem er auðvitað dökkbrún og einföld og létt frá Hugo Boss (mín umgjörð er líka brún og einföld- þetta er liturinn sem fer okkar litarhætti best og smellur við andlitið). ég skoðaði helling handa sjálfri mér líka, enda mín gleraugu orðin 8 ára og töluvert slitin, en þau gleraugu sem eru í tísku núna eru skelfileg. þykkar litsterkar ýktar umgjarðir. fínar sem tískuvara á einhverju módeli, en ekki á andlitinu á mér á hverjum virkum degi. ég vil að það sjáist í andlitið, takk fyrir. grrrrrrr

svo göngum við oft í eins grænum buxum...

jæja, best að fara að gera eitthvað að viti
fallega fallega fallega Essex píanóið mitt kallar á mína einu og hálfu hendi
það er æðislegt að eiga svona aðlaðandi píanó, meira að segja Andrés langar að læra núna :p

*knús* á alla

:Dagbjört dís

sjldn er ein brn stök

2007-02-01T14:34:00.000+01:00

því mér tókst ð brjót örlitl flís f minnst beininu í minnst puttnum ´ vinstri hendi

sem hljómr svo sem ekkert svo skelfileg
fyrr en mður fttr ð hnn gerir svo ótrúleg mrgt

hnn er einmitt gettu hvr ´ lyklborðinu...

:(

og hnn er BSSINN pínóinu :( :( :(
og 8undin fyrir vinstri
og nuðsynlegur í næstum öllum skemmtilegu gítrhljómunum

og nú er hnn teipður fstur við bugfingurinn og úr leik næstu þrj´r vikurnr
og ég þrf ð lær ð skrif (?) með bugfingri

gngi mér vel
þkk fyrir ð þð er hvorki kú né set í íslensku

umingj litliputtinn minn

Dgbjört litl puttbrotn

sinaskeiðabólga

2007-01-29T18:21:00.000+01:00

kemur í veg fyrir blogg þessar vikurnar

fann píanókennara
byrjaði að æfa mig

við erum að vinna í þessu

á morgun fæ ég mér kannski píanó

:D

tvö ein á aðfangadagskvöld

2007-01-11T16:06:00.000+01:00

við Andrés vorum 2 ein saman á aðfangadagskvöld
það var það sem okkur langaði mest, en það var svo fyndið að fullt af fólki vorkenndi okkur voða mikið :þ

ég var í fríi vikuna fyrir jól, og það fór hrikalega mikill tími í að versla jólagjafir og jólaföt. samt vorum við búin að öllu, þmt. öllum þrifum og skreytingum klukkan 21 á Þorláksmessukvöld. það fannst mér reyndar aðeins of snemmt, ég hefði viljað halda áfram til svona 24 ;) sauð bara hangikjötið og dundaði mér við einhverja músastiga, en það vantaði alveg stemninguna sem er heima á Þorláknum.

Aðfangadagur var hins vegar fullkominn. við skruppum í pakkaleiðangur til storebror, spiluðum Matador, fórum í langt langt langt bað, og ég fékk fullt af tíma til að gera mig sæta fyrir kvöldið. maturinn var tilbúinn á slaginu 18, án þess af við höfum ætlað okkur það. við borðuðum rækjufyllt avokado í forrétt, og heimsins bestu grilluðu nautalundir (já grillaðar úti!), sem bráðna uppí manni og eru svo rauðar að þær baula næstum ennþá í aðalrétt. klukkan rétt fyri 19 setti ég á rás 1 í beinni og hlustaði á þegar jólin voru hringd inn heima. Útvarp Reykjavík, útvarp Reykjavík, gleðileg jól!
við höfðum ekki pláss fyrir ísinn fyrr en seinna um kvöldið en hann var auðvitað heimatilbúinn - ég bjó til heila 10 lítra af ís, 3 mismunandi tegundir.

við vorum ekki með alvöru jólatré, aðallega vegna þess að við áttum svo lítið skraut og enga seríu og hér er ekkert svona Blómaval til að kaupa allt svoleiðis. í staðinn var litla sæta ljósleiðarajólatréð mitt í glugganum með litlum rauðum kúlum og jólasveinastelpu og strák á toppnum. og það skraut sem við áttum á víð og dreyf um íbúðina, en mest í stofunni. við stöfluðum öllum pökkunum á sófaborðið okkar, og það var sko alveg fullt, því fólk var svo duglegt að pakka öllu inn í marga litla mismunandi pakka. við fengum margar alveg æðislegar gjafir, eins og bækur og lopapeysu og sokka og inniskó og húfu og vettlinga og sokka og handmálaðan dúk og sequence og bolla og sokka og geisladiska og tösku og dagbók og sokka, en hápunkturinn var þegar Andrés opnaði síðasta pakkann sinn sem var stafræn myndavél frá mér, mömmu hans og m&p. hann var búið að langa í svoleiðis í mörg ár, en grunaði samt ekki neitt, og hann fer ennþá með hana hvert sem hann fer, líka í skólann :þ

svo tókum við upp jólakortin og það var meiriháttar, því ég fékk svo mörg og varð svo glöð að fólk skyldi muna eftir mér hérna í útlegðinni :D

svo var hringt heim, borðaður ís, spilað sequence og lokst skriðið í bólið með góðar bækur :)

yndislegt kvöld, og við vorum skælbrosandi og sæl allt kvöldið.
það sem eftir var af jólunum vorum við með fullt af fólki næstum alla dagana.

takk takk takk fyrir jólakortin og pakkana

*knús og kossar*

:Dagbjört litla

2006

2007-01-11T15:31:00.000+01:00

smá uppgjör

árið 2006 var gott ár
lærdómsríkt
stundum erfitt
en gott
og skemmtilegt

ég lærði að búa með manni
sameina tvö líf

ég lærði að það er eðlilegt að takast á, svo framarlega sem leyst er úr því, og við leysum alltaf úr því. En við fyrstu átök fór ég í algjört kerfi og langaði til að hlaupa eins langt í burtu og ég gæti. núna reyni ég að anda rólega, setjast niður í einrúmi og róa mig ef ég kemst í uppnám, svo ég geti séð hlutina í skýru ódramatísku ljósi áður en við leysum úr þeim.
ég er þeirrar skoðunar að það sé þúsund sinnum betra að tala um hlutina frekar en að láta sig hafa það og grafa þá niður í undirmeðvitund þangað til sambandið er orðið biturt eða kona er orðin sjálfskipaður píslarvottur af því að hún nennir ekki að byðja manninn sinn um að hjálpa til við heimilisverkin (því hann á sko að fatta það sjálfur). það kemur bara ekki til greina að ég verði þannig, eða þjónn, og Andrés fær alveg að heyra það ef hann tekur ekki eftir því sem ég geri, eða það er langt síðan hann tók uppvaskið. honum finnst það líka allt í lagi af því að það kemur svona stöku sinnum allt í einu, en alls ekki nöldur á hverjum degi. svo er líka hægt að haga orðum og tóni þannig að það sé frekar sætt en pirrað...

á þessu ári fékk ég upplifa tilfinningaveruna mig eins og hún hefur ekki verið síðan ég var unglingur, og mér finnst það bara frekar æðislegt. kannski hef ég ekki verið svona mikið lifandi síðan '97 ?
hún er samt algjör rússíbani og ótrúlegt að ég hafi fundið mann sem er hennar jafnoki í öllu og einu. smátt og smátt höfum við verið að finna ákveðið jafnvægi, en við erum samt bæði þannig að engir tveir dagar eru eins.

það var nú ekki pláss á þessu ári fyrir mikið annað en Andrés
tónlistin fékk að sitja töluvert á hakanum, og það eina sem ég náði að klára var jólalagið, en ástandið skánaði með haustinu þegar það fór að vera mikið að gera í skólanum hjá Andrési.

ég fékk algjöra óbeit á vinnunni minni, og þurfti að pína mig á fætur á mornanna. skemmtilegasti hluti dagsins var að hjóla í og úr vinnu. ég er ennþá með ógeð, og fæ eiginlega í magann þegar ég hugsa um tölvuvinnu. stundum langar mig bara til að gerast bréfberi...

annars eyddi ég alltof miklum tíma á flugvöllum, fór til Montreal og Noregs og Köben og flutti til Köben og fór til Íslands og Noregs og labbaði Fimmvörðuhálsin og slapp naumlega úr klónum á Krossá. svo byrjaði ég í körfu og varð miklu betri í dönsku og las nokkrar frábærar bækur. ég samdi líka nokkur flott lög, þó þau séu ekki alveg tilbúin ;)

takk fyrir árið 2006

*knús og kossar*

:Dagbjört dísulísutónlistarskvísa

Jólakveðja

2006-12-19T23:56:00.000+01:00

Kæru vinir!
Með jólalaginu í ár langar mig að óska ykkur öllum gleðilegra jóla og farsældar á komandi ári. Smellið hér til að hlusta á jólalagið.

Takk fyrir að muna eftir mér og kíkja hérna inn, þó svo að ég sé komin í útlegð til Danaveldis.

Hafið það sem allra best yfir hátíðirnar, og munið að jólin snúast um ljós, hlýju og umfram allt fólk.

*knús og kossar* til ykkar allra

:Dagbjört jóladís

P.s. Þar sem sendingakostnaður á geisladiskum milli landa er töluverður, þá vona ég að þið fyrirgefið mér að þið fáið lagið yfir netið þetta árið. Ef einhver óskar sérstaklega eftir geisladisk, látið mig vita.

Woxit

2006-12-15T12:32:00.000+01:00

Hann Maggi vinur minn og nokkrir félagar hans hafa eytt öllum sínum frítíma undanfarið í að skrifa nokkuð sniðuga bókamerkjaþjónustu.
Þjónustuna kalla þeir woxit, en hún virkar þannig að maður gætur bætt við og skoðað bókamerkin sín í hvaða tölvu sem er, hvar sem er í heiminum.

Ef þú, til dæmis, sér einhverja sniðuga síðu í vinnunni, sem þú vilt skoða þegar þú kemur heim, þá smellirðu bara á voxit hnappinn á vafranum þínum (sem þú setur upp þegar þú færð þér woxit), og síðan bætist inn í bókamerkin þín. Svo þegar kemur heim opnarðu woxit og smellir á bókamerkið.

Woxit les líka öll bókamerkin sem þú átt fyrir í vafranum þínum og bætir þeim inn.

Svo er þetta auðvitað bæði á íslensku og ensku, og styður Firefox jafnt sem IE vafra.

Endilega kíkið á þetta á www.woxit.is

Bangsi bestaskinn

2006-12-12T16:44:00.000+01:00

man einhver eftir honum?

hérna er smávegis til að rifja upp

netið er yndislegt :D

Konunglegur Ballet

2006-12-07T11:51:00.000+01:00

Já við fórum á frægasta ballett allra tíma, Svanavatnið, í nýja flotta óperuhúsinu í gærkvöldi.
vááá hvað það var æðislegt!!!

í hléinu skiptum við um sæti, því það voru tvö laus við hliðina á okkur, sem voru nær miðju
en það var ekkert allt of sniðugt því fyrir framan mig sat ákaflega hávaxin kona, höfðinu hærri en mennirnir í kringum hana, svo ég þurfti að sitja hálfskökk til að sjá danssýninguna sem er í upphafi annars þáttar, með spænskum, rússneskum og austurlenskum (vá vá vá) dönsum.
en svo kom svarta prinsessan og plataði prinsinn til að halda að hún væri svanaprinsessan, svo hann sveik raunverulegu svanaprinsessuna og ég steingleymdi því að það væri neinn fyrir framan mig.

og svona fyrir ykkur sem hafið bara séð teiknimyndina: Ballettinn endar illa. Af því að prinsinn var gabbaður til að svíkja svanaprinsessuna, þá losnar hún ekki undan álögunum.
Hún fyrirgefur honum og svo kveðjast þau áður en hún breytist aftur í svan.

og þessi lokasena er einhver flottasta tónlist sem til er, og nóg til að fá mig til að tárast, án þess að horfa líka á svona áhrifaríka dansa
en hjálp hvað það var flott!
20 svanir auk prinsessunnar, og í hvert skipti sem þær voru á sviðinu var það bara töfrum líkast.

mmmmmmmm

við skemmtum okkur sumsé konunglega
og í konunglegum félagsskap, þar sem hennar konunglega hátign mætti til að horfa á konunglega ballettflokkinn sinn.

svo þegar þau hneigðu sig, þá hneigðu þau sig fyrst fyrir henni og svo fyrir okkur :þ

ætli ég verði ekki að fara að bera meiri virðingu fyrir henni fyrst ég hef séð hana í eigin persónu...

Vigdís er samt alltaf flottust ;)

svo má ekki gleyma að minnast á það að Andrési fannst þetta líka mjög skemmtilegt, og pældi mikið í þessum ystu mörkum líkamlegrar getu sem ballet-dans er. alveg hreint ótrúlegt sem hægt er að gera við líkamann.

mmmmmmmmmmmmmmmmmmmm

*knús og kossar*

Dagbjört dísulísa sem dansar ekki lengur ein

Auli Jónsson

2006-12-05T12:29:00.000+01:00

jólalagið er alveg að verða tilbúið, og vantar bara hljóðræna fyllingu, ef svo má segja
svo ég kíkti inná popplandsvefinn til að athuga hvenær fresturinn til að skila inn lögum rynni út...
og þá var það í GÆR !!!!!!!

buuuuuuuuuuuuhuuuuuuuuuuuuuuhuuuuuuuuuuuuuuuuuu
hvernig er hægt að vera svo mikill bjáni að vera ekki búin að athuga þessa dagsetningu fyrr??? Fannst það bara ekki mögulega geta verið fyrir 10. des ! Minnti að það hefði verið 14. síðast en það er örugglega algjört RUGL. grrrrrrrrrrrrrrrrrrrr nú er ég ósátt við mína

vonandi fyrirgefur Erna mér ;(

og þetta er eitt sætasta lag sem ég hef samið...

þið fáið nú auðvitað að heyra það sem jólakort en mikið svakalega get ég verið mikill endemis AULI að klúðra þessu

*grenj*

Dagbjört klúðurdís

Desember á morgun!

2006-11-30T15:34:00.000+01:00

og ég er farin að hlakka SVO mikið til

í fyrramálið 1. des ELDSNEMMA flýg ég til Noregs í jólabakstur, hygge og fjör hjá storesös, strákunum hennar og litlu snúllunni þeirra sem fæddist fyrir akkúrat 4 vikum í gær :D

verð þar um helgina en á meðan þarf aumingja Andrés að fara í 2 julefrokost-a, en danski julefrokost-inn er nú efni í heilt blogg út af fyrir sig...

svo á miðvikudaginn 6. des þá förum við á Svanavatnið í nýja æðislega óperuhúsinu, en ég hef ALDREI séð það, þó ég hafi kunnað ALLA tónlistina utanað í áratugi ! Keypti æðislega fín sæti fyrir alveg helling af peningum, því ef maður ætlar á uppáhalds balletinn sinn á annað borð, þá er eins gott að gera það almennilega. (best að taka síðpilsið upp og reyna að slétta það á eftir)

og á föstudaginn 8. des þá fæ ég "the next best thing" við að fá mömmu í heimsókn, þ.e. systur hennar mömmu :D Þau hjónin verða hérna í Köben þá helgi og Andrés yfirkokkur ætlar að elda eitthvað voða gott handa þeim :D jibbíí ! Hún er nebblilega uppáhalds móðursystir mín í öllum heiminum ;)

laugardaginn 9. des mætum við snemma til Mie og Henrik (sem eru vinir okkar í sömu raðhúsalengju) þar sem við verðum allan daginn við jólabakstur með jólaglögg í góðra vina hópi, á meðan ættin heima sker út laufabrauðin án mín...

laugardaginn 16. des verður svo julefrokost hjá vinahópnum, og ég er fyrsta kærastan hans Andrésar sem kemur þangað í annað skiptið :D (við erum jú komin yfir 15 mánuði saman)
Það var mjög gaman í fyrra en verður margfalt skemmtilegra núna því ég þekki þau öll svo miklu betur og tala líka betri dönsku. Vinir hans Andrésar eru barasta alveg meiriháttar :D

sunnudaginn 17. des kemur tengdó til landsins og þá verður nú örugglega eitthvað hygge (frábært orð sem því miður vantar í Íslensku) með þeim hjúum áður en þau fljúga til Cairo...

þriðjudaginn 19. des (held ég) verður svo karlinn minn búinn í skólanum, og konið mitt líka einhvern tímann um þetta leyti, og svo þarf maður að kaupa jólatré og skreyta skreyta, thíhíhí

laugardaginn 23. des er það svo ég sjálf sem sýð hangikjötið!!! í fyrsta skipti. Það fer í pottinn seint um kvöldið, sýður vel og lengi, og er svo látið standa í honum alla nóttina :p

og svo eru barasta komin jól jól jól!!!

og ég er búin að kaupa hvorki meira né minna en 10 jólagjafir af 18, en búin að ákveða um það bil allar hinar líka, svo þá þetta nú bara fjör héðan í frá.

og svo keypti ég líka soldið handa sjálfri mér...

;)

*knús og kossar*

:Dagbjört jóladís

Tónlist með lífinu

2006-11-29T10:34:00.000+01:00

Hún Hafrún mín var með voða sniðugan leik á síðunni sinni sem heitir

Ef líf þitt væri bíómynd, hvernig væri tónlistin í henni?

Og reglurnar eru:

1.Opnaðu spilarann sem þú notar (iTunes, Winamp, Media Player, iPod, etc)
2. Settu á shuffle
3. Ýttu á spila(play)
4. fyrir hverja spurningu seturðu það lag sem er að spilast
5. Þegar þú ferð í næstu spurningu, ýttirðu á next takkan fyrir næsta lag.
6. Ekki svindla og þykjast vera kúl settu inn hvaða lag kemur…

Tónlistarnördinn ég stenst auðvitað ekki að prófa, en ég ákvað samt að aðlaga spurningarnar að mínu lífi, sem er ekki amerískur farsi. Veit auðvitað ekkert hvað á eftir að gerast eftir "Köben" (nema auðvitað að ég mun einhvern tímann deyja) svo ég held mig mest við "farsann" eftir það, en giska á að það verði pínu streð næstu árin :p

Ég hef ákveðið að setja iPodinn minn á shuffle, en auðvitað var ég alls ekki með svona kúl tónlistarsmekk fyrir 10 árum og hvað þá fyrr :p

Opnunarlag: The Fool on the Hill / The Beatles / Magical Mystery Tour (LOL - vel byrjar það)

Vöknun: Weeping Willow / The Verve / Urban Hymns

Fyrsti skóladagur: Corpus Christi Carol /Jeff Buckley / Grace

Árið í Edinborg: Luktar-Gvendur / Björk Guðmundsdóttir & Tríó Guðmundar Guðmundssonar / Gling Gló

Gaggó: Saturn The Bringer of Old Age / Holst / The Planets (já gott ef ég var ekki byrjuð að hlusta á klassík í gaggó)

árin í MH: Mr. Tambourine Man / Bob Dylan / The Essential Bob Dylan 1 (Ég var samt ekki ein af þeim 50% sem reykti hass í MH)

Skólaball: Summer is gone / Jet Black Joe / You ain't here (jeij ! Jet Black Joe var sko it þegar ég var að byrja í menntó)

Ævintýrið í Miðausturlöndum: Dream Brother / Jeff Buckley / Live a l'Olympia (kúl)

Kærastastand: Everybody's Got Something to Hide Except Me and My Monkey / The Beatles / The White Album (hahahahahahaha, myndi kannski ekki kalla hann apa...)

Háskólakona: With these hands / Tom Jones / Edward Scissorhands (Tom Jones??? fylgdi víst með Edward Scissorhands Soundtrackinu, en ég skippa alltaf yfir þetta lag. Er samt ekkert hræðilegt núna þegar ég heyri það. En samt, Tom Jones !!! ógeð dónakall með litað hár frameftir aldri :s)

Ástarsorg: Run to the Water / Live / The Distance to Here ( "I will not be moved", "Let yourself be wounded", "Rest easy baby". Passar vel. Og bara æðislegt lag, svo ég ætla að hlusta á það áður en ég svara næsta)

Kanada: Sulk / Radiohead / The Bends (LOL! Well, what can I say, Canada wasn't all that great....)

Söngskóladís: Squeeze Box / The Who / The Who's Greatest Hits (Kannski ekki alveg "ég" lag, soldið gamaldags rokk, en titillinn passar ágætlega :p)

Baráttulag: China Girl / David Bowie / ... (thíhíhí)

Ástfangin: Happy Jack / The Who / The Who's Greatest Hits (hmmmm, hefði nú valið "Nothing Else Matters". Kannski sé kominn tími til að taka The Who útaf ipodnum. Var að gefa þeim séns, því þeir sömdu jú "My Generation" ofl.)

Köben: You / Radiohead / Pablo Honey ( "You are the sun and moon and stars" "I could never run away from you" awwwwwwwwwwwwwwwwwwwwwwwwwwwwwwwwwww og æði rokkgítar)

Fæðing barns: The Christmas Song / Maren Ord /Christmas Songs [Nettwerk] (þetta er ansi góður Kanadískur jóladiskur, með m.a. Barenaked ladies og Söruh McLachlan, og reyndar stöku lagi sem ég hleyp yfirleitt yfir. En hvað, á ég að eignast jólabarn eða fæ ég kannski að geta barn um jólin :þ ? Maren Ord er annars voða kósí söngkona, kannski ég ætti að athuga með að nota hana sem slökunartónlist við fæðingu, skylst á storesös að það muni miklu að hafa góða tónlist :þ)

Streð: IV Offertorium No. 2 Hostias / Mozart / Requiem (hmmmm, þetta er tónlistin sem ég ætla að deyja við, vona að ég deyji ekki fyrir aldur fram... Eitt flottasta tónverk í heimi)

Ellin: Kinetic / Radiohead / Pyramid Song ( F**k, hljómar eins og ég verði með Alzheimer. Ringlað lag.)

Dauðasenan: Savoy Truffle / The Beatles / The White Album (hmmm, ekki alveg. Fer að efast um þetta shuffle, er þetta ekki 3. lagið af White Album? )

Jarðarfararlagið: Quando m'en vo / Verdi / La Bohem ( Já takk! Opera! mmmmm)

Lokalagið: Mín jól / Dagbjört dís / Jóladiskurinn í fyrra (:D Vel við hæfi að enda á lagi eftir mig sjálfa :þ)

jæja, ætli sé ekki best að senda Andrési SMS með "You are the sun and moon and stars" :þ

og spá svo hvaða lög ég myndi sjálf velja. Sakna soldið Arvo Pärt af listanum, hann er jú stórt númer á iPodnum mínum. Held ég myndi velja hann í Ellina

frystikista sem hlær

2006-11-20T18:30:00.000+01:00

ja, eða fær hún mig amk til að hlæja :D

var að koma heim, glorhungruð og ekki of glöð yfir því að þurfa að fara útí búð til að kaupa í matinn, þegar ég mundi að ég á frystikistu FULLA af mat :D

jeij

nú get ég skellt matnum á pönnuna og hann verður tilbúinn eftir 15 mín

húrra húrra húrra

við Andrés fórum loksins og fjárfestum í einni góðri 200 lítra Frystikistu sem passar svona akkúrat í útskot í þvottahúsinu og er kjörinn til að brjóta saman þvott á :þ

OG líka uppþvottavél, en eins og flestir vita þá var uppþvotturinn það húsverk sem var hvað mest að drepa okkur (já og innkaupin því við erum með svo lítinn ísskáp og þurftum að fara á hverjum degi í búðina áður)

ég reikna með að klukkutímunum sem ég eyði í húsverk fækki við þetta um svona 7-10 á viku

jibbbbbbbbbbíííííííí

já ég er ekki mikil húsverkakona, það er svona helst þvotturinn sem ég stend mig vel í og þrifin þegar ég kem mér í gang.

við vorum líka svo slæm að þegar við vorum búin að panta uppþvottavélina, á laugardegi, þá vöskuðum við ekkert upp aftur alla vikuna, þangað til við fengum hana í gagnið á föstudegi. við bara komum okkur alltaf undan því ;)

eldhúsið var auðvitað í rúst....
en nú er það alltaf frekar snyrtilegt og fínt, og svosem ekki mikið mál að þvo einn eða tvo potta ;)

best að fara að fá sér að borða og nota svo þennan auka klukkutíma sem ég græddi í dag, þökk sé frystikistu og uppþvottavél, í að vinna í jólatónlistinni ;)

knús og kossar allir

p.s. það fyrsta sem fór ofan í frystikistuna var alíslenskt úrbeinað eðal hangikjötslæri, sérreykt frá mömmu, sem verður í matinn á jóladag :D

Dagur íslenskrar tungu

2006-11-16T15:23:00.000+01:00

til hamingju með daginn

Jónas Hallgrímsson fæddist fyrir 199 árum á þessum degi, það hlýtur að verða mikil hátíð næst :D

Afi minn fæddist fyrir 84 árum á þessum degi, en hann dó fyrir 7 árum síðan. Hann var alltaf mjög stoltur af að eiga sama afmælisdag og Jónas :D

Þeir voru báðir skáld og báðir í uppáhaldi hjá mér :D

Ég settist niður í gærkvöldi til að klára þennan blessaða jólalagstexta. Fyrsta erindið er reyndar soldið moð, en ég er mjög ánægð með hin, sérstakleg það þriðja. Það hljóta að vera einhver af genunum hans afa í mér :)

Jólakveðja

Langt í burtu á Norðurslóð
glitrar frost á götu og lóð
veröldin undurhljóð

Jólanótt er enn á ný
í hjarta þínu og rúmi hlý
brosir þú draumi í

Stjörnurnar vaka
við gluggann þinn hljótt
dreymi þig jólasnjó
sofðu rótt
dreymi þig frið á jólanótt

Hvar sem ég um jólin fer
heima er í hjarta mér
hugur minn er hjá þér

Stjörnurnar vaka
við gluggann þinn hljótt
dreymi þig jólafrið
sofðu rótt
dreymi þig ljós á jólanótt

blóm blóm og meiri blóm

2006-11-06T18:35:00.000+01:00

síðan líffræðinördinn minn fór að læra um plöntur, þá má varla senda hann einan út í búð án þess að hann komi heim með ný pottablóm.
fyrst voru það tvær kjötætuplöntur, sem við dunduðum okkur við að gefa flugur og köngulær í haust, svo þrjár litlar plöntur í sambýli, svo bonzai tré og bleikur nóvemberkaktus og annar hvítur og brómelía og svo...

já svo einn föstudaginn (fyrir 1 og 1/2 viku) hringdi dyrabjallan og fyrir utan stóð sendill með blómvönd til Andrésar. Andrés var ekki heima svo ég setti blómin í vatn, og sendi honum SMS "það var verið að senda þér blóm"
aumingja Andrés fór alveg í kerfi
"hver myndi senda mér blóm?"
"allir sem vita hvar ég bý, vita að ég á kærustu!!!"

thíhí
ég vissi sko alveg frá hverjum þau voru. þau voru frá vinnunni minni, til að bæta makanum mínum óhóflegt vinnuálag á mér þá vikuna...

svo kom Andrés heim með æðislegar bleikar rósir í potti (sem hann vissi að mig langaði í) og sagði að fyrst hann fengi blóm þá ætti ég að fá líka

blómvöndurinn er að sjálfsögðu dauður (enda heimsins mesti hégómi að rækta blóm til að vera falleg í 3 daga og deyja svo - finnst okkur pottaplöntufólkinu), en rósirnar mínar verða bara fallegri og fallegri

svo má ekki gleyma risa-friðarliljunni sem m&p gáfu okkur í auka-innflutningsgjöf (stóra innflutningsgjöfin var æðisleg gluggatjöld í stofuna)

samtals gera þetta svo 11 pottablóm :þ

og bleiki nóvemberkaktusinn er allur að blómstra og stofan er bara svo heimilisleg og fín :D

*knús*

:Dagbjört blómadís

innblásið uppvask

2006-10-22T15:44:00.000+02:00

fátt er jafn gott fyrir innblástur og að vaska upp í útvarpslausu eldhúsi
það er ekki seinna vænna að byrja á jólalögunum, sem eiga að vera 2 þetta árið, eitt handa Ernu og eitt handa mér
jólalagið handa Ernu er alveg að verða samið
laglínan kom endanlega á fimmtudaginn, og núna áðan samdi ég textann við viðlagið yfir leirtausfullum vaskinum.

Stjörnurnar vaka
við gluggann þinn hljótt
dreymi þig jólaljós,
sofðu rótt
dreymi þig frið
á jólanótt

jeij

lag og texti er auðvitað auðveldi hlutinn, útsetning upptaka og hljóðblöndun er miklu meiri vinna.
mesta vandamálið er að mig vantar svo Danny Elfman diskana mína 2 (Nightmare before Christmas og Edward Scissorhands) til að fá pínu innblástur fyrir svona ekta jólatöfra. þeir eru báðir á Íslandi

já og svo þarf ég auðvitað að semja mitt jólalag...

Óskalisti fyrir sveitina okkar

2006-10-18T12:37:00.000+02:00

Ávaxtaskógur með kirsuberja, epla og perutrjám og jarðarberjum og fullt fullt af blómum

gróðurhús með tómötum og agúrkum og papriku og jarðarberjum

kartöflu og jurtagarð

lítil heima bjór og vínframleiðsla með mörgum sortum

bændaverslun

lítið stöðuvatn með kjötætuplöntum og fullt fullt af froskum og fleiri skemmtilegum lífverum

sjórinn (með öllum sínum óteljandi skemmtilegu lífverum)

kræklingarækt

köfunarhraðbátur

vindmyllur (helst 3)

3 - 4 strent hús helst ca. 400 fm með plássi fyrir gestaíbúð og stúdíó fullu af hljóðfærum og verkstæði og risafiskabúr og fleira

grunnskóli í hjólafjarlægð

menntaskóli innan 30 mín aksturs

etv. 2 kýr og nokkrir hestar

hundur

dádýr

ofnæmisfríir kettir (til að drepa mýs)

safnkassar til að framleiða lífrænan áburð úr lífrænum úrgangi

rauð dráttarvél með skóflu

trampólín

sundlaug (vindmyllurnar sjá um að framleiða næga orku)

svepparækt (með skrýtnum dýrum sveppum sem kosta milljón kílóið)

strútar

frjálsar hænur

páfuglar

hunangsframleiðslu

heimatilbúnir fuglakassar í öllum trjám

já og 4 börn

knús og kossar

:Dagbjört og Andrés

p.s. þetta er bara það sem við munum núna, það verður auðvitað margt margt margt fleira :D

föstudagurinn þrettándi og íslenskir netmiðlar

2006-10-13T14:23:00.000+02:00

ég er búin að fá um það bil upp í kok af íslenskum netmiðlum
þeir eru svo lélegir að varla er tárum takandi
sérstaklega mbl.is

þar stendur meðan annars í dag:

Fram kemur á vefnum Wolfram MathWord að algengast sé að þrettándi dagur mánaðar komi upp á föstudegi.

Hefur fólk enga sjálfstæða hugsun á þessum miðli? Kann það ekki að telja?
Hvernig í ósköpunum getur einhver dagur verið oftar á föstudegi en öðrum dögum? Mánaðardagarnir ganga í hringi eftir 7 dögum vikunnar og hoppa yfir 4. hvern dag sökum hlaupára. En þar sem 4 gengur ekki upp í 7, (sem betur fer) þá ganga þeir dagar sem hoppað er yfir líka (í aðeins óreglulegri) hringi.

Ef einhver þarf sönnun er hún hér (þeir sem fatta þetta geta auðvitað sleppt henni):
Afmælisdagurinn minn hoppar t.d. næst yfir mánudag, svo yfir laugardag, svo yfir fimmtudag, svo yfir þriðjudag, svo yfir sunnudag, svo föstudag og loks miðvikudag. Þá er hann búinn að hoppa yfir hvern einasta vikudag einu sinni áður en hann hoppar yfir nokkurn þeirra aftur. Afmælisdagurinn minn fellur því jafn oft á hvern einasta vikudag, eins og allir aðrir dagar í öllum mánuðum ársins.

Fyrir utan þetta eru stanslausar rangfærslur og blátt áfram áróður í fréttaflutningi hjá mbl. Tók einhver eftir því að fyrirsögnin hjá mogganum þegar stíflan var tekin í notkun var "Jökla hamin". Eins og það væri bara þrekvirki og ekkert sorglegt að slökkva á ánni. Ekki "Jökla horfin" sem er sannleikurinn, nei "Jökla hamin" það hljómar svo miklu betur.

visir.is er töluvert betur upp settur vefur. t.d. getur kona valið næstu frétt til að lesa úr hlekkjum fyrir neðan fréttina sem verið er að lesa, í stað þess að þurfa að fara sífellt til baka á forsíðu eins og á mbl.is. Svo er líka frábært að geta lesið allar greinarnar og Silfur Egil osfrv.
fréttaflutningurinn er hins vegar alveg jafn óábyrgur og hjá mogganum.
Hvað er t.d. málið með að halda því fram að Jón Baldvin sé að ljúga? Halda þeir að maðurinn sé fáviti? Halda þeir að við séum fávitar að trúa ruglinu í þeim um að hann sé að ljúga? Eru allir búnir að gleyma hvað kolkrabbinn var öflugur á sínum tíma? Jón átti auðvitað mikið undir Bláu höndinni á þessum árum og fékk sendiherramennsku að launum fyrir að haga sér vel. Núna hefur hann hins vegar engu að tapa. En nei, best að kenna litla landsímamanninum um allt saman.

Hvað varðar óheppileika hinnar annars frábæru tölu 13, þá er það nú bara frekar augljóst í mínum augum.
Talan 12 er mjög góð og þægileg tala. 1, 2, 3, 4 og 6 ganga allar upp í 12. Þar af leiðandi ef þú ert t.d. með 12 gullpeninga og þarft að skipta þeim jafnt á milli einhverra, þá gengur það yfirleitt mjög vel. Eins að deila 12 manns upp á 2 - 3 borð. En komi 13. gullpeningurinn eða manneskjan til sögunnar þá geturðu lent í töluverðum vandræðum. 13 er nefnilega prímtala sem ekkert gengur upp í (nema 1 og 13). Þá verður alltaf einn gullpeningur eftir, eða einn sem fær meira en hinir, og ein manneskja sem verður útundan við sætaskipan. Minna hefur nú orsakað blóðbað í gegnum aldirnar.

hér er annars þessi rugl-frétt eins og hún leggur sig á mbl.is

Skemmtið ykkur svo vel í kvöld (ef einhver ætlar út) og ekki hafa áhyggjur. Eina áhrifin sem föstudagurinn 13. mun hafa er að sumum finnast þeir hafa afsökun til að haga sér extra illa.

p.s. reyndar verða allir starfsmenn BioBars (Líffræðinema-barinn hér í Köben) frekar illa leiknir í tilefni dagsins, þökk sé Andrési, en uppáhalds fyrstuhjálparnördinn minn ætlar að sminka þá alla með gerviskurðum og marblettum og beinbrotum :þ

12. október

2006-10-12T16:49:00.000+02:00

ég er í haustinu
vef mig inní
vettlinga
fölnar
blóð

sofið veinar
andaþungt
stúrið
kalt
og rakt

haustið er í mér

Haustdagar

2006-10-04T09:37:00.000+02:00

mmmmmm
það er svo fallegt veður
haust haust haust
ég elska haustið
og það er yndislegt að vera ástfangin á björtum haustmorgni
og rölta saman í hressandi morgunkuldanum

svo á ég svo flott sjal og vettlinga (ammælisgjafir) svo kuldinn er bara æði

allt er á skrilljón
hitta fólk
hitta fólk
hitta fólk
september barasta hvarf
og við erum nú þegar bókuð í 2 djömm í oktober og 2 í desember
danir eru soldið klikk með að bóka mánuði fram í tímann
og eitt djamm á mánuði er meira en nóg fyrir mig...

félagslíf fyrir 2 er aðeins fyrirferðarmeira en fyrir 1

ég reyni að troða tónlistinni inní þetta einhvern veginn
er amk komin í gang og það munar miklu
náði alveg 3 tímum á mánudaginn
vildi samt ná 3 tímum á hverjum degi
nema þriðjudögum
þá er karfa

:þ

já það er gott að vera til í haustinu
og ástfangin

Ísland im Memoriam

2006-09-28T11:08:00.000+02:00

klukkan er 9 á Íslandi á þessum hræðilega degi í sögu landsins.

hvað er hægt að segja nema

Faðir minn átti fagurt land sem margur grætur
því ber ég harm í hjarta mér um daga og nætur

bæn

2006-09-22T16:04:00.000+02:00

elsku besti Súpermann

viltu vera svo vænn að fljúga til Íslands og taka ljóta sementsvegginn sem stíflar vantið við Kárahnjúka
hann var búinn til til að eyðileggja landið fyrir öllum kynslóðum framtíðarinnar
gerðu það taktu hann og fljúgðu með hann langt langt útí geiminn

vonandi verður enginn nógu vitlaus til að byggja hann aftur

gerðu það, Súpermann, bjargaðu Íslandi

knús og kossar

:Dagbjört

p.s. ef hún er of þung fyrir þig, þá veit ég um rosalega sterka stelpu sem heitir Lína og býr í Svíþjóð, hún væri örugglega til í að hjálpa :D

karfa 101

2006-09-20T14:56:00.000+02:00

jeij!

byrjaði í körfubolta í gær
karfa fyrir byrjendur
80 mínútur einu sinni í viku
bara stelpur

nema auðvitað þjálfarinn
sem er þvílíkt myndó ;)

þetta var alveg ferlega gaman
æðislegt hvað allir voru líka lélegir
gerðum fyrst æfingar til að æfa okkur í að skjóta og drippla og kasta á milli
svo fengum við að spila
vá hvað ég tók mikið á
og vá hvað tíminn flaug

í dag er ég eins og gömul kona, veina næstum því í hverju skrefi :D
æðislegt að geta tekið svona á og skemmt sér á sama tíma
svo er þetta fín leið til að kynnast fólki og æfa dönskuna

þjálfarinn má auðvitað ekki tala við mig íslensku fyrr en eftir æfingu :þ
(var ég búin að koma því að hvað hann er sætur?)

hjólaði heim með stórt bros á vör í gærkvöldi
en í dag gat ég ekki einu sinni hjólað í vinnuna :þ

gleði :D

:Dagbjört körfudís sem er skotin í þjálfaranum sínum

fordómar

2006-09-18T10:39:00.000+02:00

þið sem haldið að fordómar séu það sama og kynþáttafordómar, smá íslenskukennsla:
fordómar:
for-dómar að dæma fyrirfram, eða vera með fyrirframgefnar hugmyndir um eitthvað eða einhvern án þess að hafa kynnt sér það eða þann.

ég veit ekki með ykkur en ég hef orðið fyrir alveg góðum slatta af fordómum í gegnum lífstíðina, bæði frá ókunnugum, og þeim sem ég þekki

það hefur aldrei tengst litarhætti, en oft háralit, klæðaburði, gleraugum, vexti eða háum hælum

oftast tengist það þó kjánaskap viðkomandi, en stundum einfaldlega því að ég sýni ekki öllum allar mínar hliðar, hvað þá í einu.

ég held barasta að allir sem "þekkja" mig séu með fordóma gagnvart mér nema konið (af því að hún þekkir mig best) og m&p (af því að þau eru einfaldlega of þroskuð og klár til að hafa svoleiðis)
svo er auðvitað alltaf til perlufólk sem er bara sama og tekur öllum eins og þeir eru ;)

það sem ég hef lengst þurft að þola, og fer mest í taugarnar á mér þegar það kemur frá svokölluðum vinum, er frekar kjánaleg einföldun.

Hún er sú að af því að mér finnst fáránlegt að reykja og hef aldrei látið eiturlyf inn fyrir mínar varir eða æðar, þá hljóti ég að vera þvílíkt square.
Ég lenti t.d. í því ítrekað á mínum fyrstu menntaskólaböllum að vera spurð:
"OMG, hvað ert ÞÚ að gera hérna?"
jájá kjánaunglingar
en þetta er bara ennþá að gerast

fyrir kannski 3 vikum eða svo var ég stödd á Íslandi og hitti strákana í hádegismat
við strákarnir eigum mjög skemmtilegar samræður þar sem er leyfilegt að láta allt flakka
hins vegar ef það bætist stelpa í hópinn þá breytast samræðurnar óhjákvæmilega.
þannig var það að þessu sinni, því vinkona mín var með, þó hún sé reyndar líka þekkt fyrir að láta ýmislegt flakka.
það skiptir svosem ekki máli hvað ég lét flakka, enda man ég það ekki, en ég fékk þetta líka svaka hneikslaða "Dagbjört !!!!"
ég held ég hafi sagt henni að þegja

Andrés lendir líka í þessu
um daginn vorum við með gesti í mat, og hann fékk sér rándýran Havana-vindil sem honum hafði verið gefinn. Hann hefur auðvitað aldrei reykt frekar en ég, en má hann þá ekki smakka (púa) vindil einu sinni á svona 10 ára fresti?
Neibb, gestirnir okkar gjörsamlega misstu sig yfir því að hann, ljósið, smakkaði vindil. "OMG ert ÞÚ að reykja vindil???"
hann er sko ekkert ljós og ekkert square, þó hann sé nógu skynsamur að reykja ekki, og þetta jaðraði við einelti hvernig þau létu.

hvað þarf fólk að verða gamalt áður en það fattar að við erum öll margslungin og margskonar og get over yourselves!

"how many roads must a man walk down, before you can call him a man?"

annars er Andrés líka með pínu fordóma gagnvart mér
hann hefði t.d. ekki reynt við mig ef ég hefði ennþá verið með hringinn í augabrúninni (sem mig er ansi mikið farið að langa í aftur)
svo er hann líka fullviss um að ég verði erfið ólétt (hvenær sem það nú verður), bara af því að ég er erfið á pillunni
en hann veit auðvitað ekkert um það, og ekki ég heldur

það eru líka fordómar

er ég með fordóma?
jájá örugglega einhverja
held ég sé með fordóma gagnvart þeim sem reykja, mér finnst þeir ýmist heimskir eða aumingjar að geta ekki hætt
svo er ég með fordóma gagnvart svörtum og hvítum ungum mönnum sem klæða sig eins og nauðgararapparar og hlusta á nauðgararapp. ég held að þeir beri ekki virðingu fyrir konum né öðru fólki.
en kannski fatta þeir bara ekki hvað textarnir í lögunum þýða...

þið vinir mínir sem ég nefndi sem dæmi í þessum pistli
ég veit að ég hef ekki rætt þetta við ykkur, en við höfum bara ekki átt almennilegt spjall síðan, og þetta var pottþétt á dagskránni. tölumst vonandi bráðum

knús og kossar

:Dagbjört

rokk rokk rokk og önnur tónlist

2006-09-18T10:03:00.000+02:00

ég labbaði bara yfir til mannsins sem blastar poppinu allan daginn og spurði hann hvort það væri til eitthvað rokk í Danmörku
já hann hélt það nú
á dr punktur dk er netradio
þar er hægt að velja um Rokkútvarp sem blandar nýju og gömlu og svo modern-rock-útvarp sem spilar bara nýtt og ferskt en reyndar mismerkilegt rokk :p (soldið amerískt vælu-menntaskólarokk með)

við Andrés erum að setja saman soldið action-plan til að koma í veg fyrir að hversdagsleikinn drepi tónlistina mína. aðalatriðið í þessu plani, þó það hljómi svolítið undarlega, er að kaupa frystikistu sem allra allra fyrst. já þá get ég nefnilega farið að slátra fólki og komist almennilega í samband við mínar dekkri hliðar. eða. þá getum við hætt að (smá innskot, poppstöðin sem þeir blasta er núna að spila Muse !!! reyndar er nýja platan þeirra ekkert svaka rokkuð :s ) þá get ég hætt að eyða mörgum mörgum tímum á viku í að fara útí búð á hverjum einasta degi til að kaupa í matinn. þá getum við fyllt frystikistuna og planað matinn fyrir vikuna. sparar bæði tíma og peninga. og þá getum við keypt frosinn fisk og lambakjöt og rækjur frá Íslandi :)

tókst að koma mér aðeins í gang um helgina
glamraði á píanóið í gær og hugmyndirnar fóru að fæðast
Rolandinn minn er með svona Rotary-organ stillingu sem hljómar mjög Jet-Black-Joe-lega og svona Vibrafone stillingu sem er fullkomin fyrir jólalög ;)

svo er ég búin að kaupa nýjan streng í Fenderinn, en ég þarf ennþá að stilla hann eftir ca. annað hvert lag :p

ég er voða mikið að dúrast núna, eftir ævilanga ást á mollum, þá er ég búin að uppgötva fegurð dúranna. vonandi fáið þið að heyra afraksturinn af því áður en þetta ár er alveg liðið.

talandi um rokk
svakalega er Magni flottur
það verður spennandi að fylgjast með honum á næstunni, en ég vona bara að hann eigi ekki of erfitt með að vera kominn heim og aðlagast
hef sjálf prófað að búa með hóp af fólki alls staðar að úr heiminum í húsi langt í burtu í heilt sumar og koma svo heim aftur
að vera búinn að breytast en allir þekkja konu eins og hún var

en ég fékk reyndar fullt af fordómum og kannski kominn tími á að tjá sig um það
fordómar frá "vinum"
undarlegt fyrirbæri
kannski næsta blogg

:D

Danir rokka ekki

2006-09-12T16:51:00.000+02:00

jæja
ég hef nú ekkert bloggað nema góða hluti um vini mína Dani
er ekki kominn tími á að gera pínu grín að þeim?

bara smá

Var að koma úr sumarbústað með allri fjölskyldunni hér á Sjálandi
héldum uppá 60 ára afmælið hans pabba með samveru, góðum mat, söng og gleði

nema hvað
í herberginu okkar Andrésar, var hálfur ljósabekkur hangandi yfir öðru rúminu!!!

jamms
þeir eru ekki alveg sjálfum sér samkvæmir þessir blessuðu Danir
á meðan þeir eru meðal fremstu þjóða í að banna illa með farin matvæli og eitur og ógeð úr matvörubúðunum sínum, þá hefur "ljósabekkir-eru-hættulegir-og-sólarljósið-líka" boðskapurinn bara alls ekki borist á þeirra strendur. nei ekki frekar en "reykingar-drepa" boðskapurinn

á meðan hver sólbaðstofan á fætur annarri heima á Fróni keppist við að skipta út ljósabekkjum fyrir úðaklefa (eða loka ellegar sjoppunni), er hér allt krökkt af sólbaðsstofum og konum sem greinilega sækja þær hættulega mikið. (Hef líka hvergi séð brúnkukrem í Matas...)

danskar konur eru líka alveg hreint ótrúlega krumpaðar í framan tiltölulega ungar, líka þær sem ekki reykja, og held ég næst að kenna þessari ótæpilegu sólardýrkun þar um

já þeir Danir sem ná ekki að drepa sig á reykingum né skorpulifur, hljóta bara að deyja úr húðkrabbameini...

en ætli sé ekki bara best að líta á björtu hliðarnar
ef Andrés ákveður að yngja upp eftir 15 ár eða svo, þá hef ég ótvírætt og ókrumpað forskot á endurvinnslumarkaðnum ;)

en ég er auðvitað þvílíkt ómóðins hérna svona hvít og hmmm... slétt? og að maður tali nú ekki um klæðaburðinn...

gallabuxur, svartir strigaskór, svartur þröngur rokkbolur, svartur leðurjakki, svört sólgleraugu, svartur ipod með svörtum heyrnatólum og rautt gaddaúr

nei Danir eru súper-metró
sem er svosem stundum gott (hreinni karlmenn :þ)

en
þeir
bara

rokka ekki

neitt

þeir hlusta á ...
nauðgararapp
popp (já líka "karlmenn")

og eitthvað samsull bara
sem er ekki
rokk

það er ekki ein einasta útvarpsstöð sem spilar svo mikið sem gamalt og gott
hvað þá nýtt og frumlegt
rokk

þarf að gera könnun hérna á skrifstofunni bráðum (þeir hafa oftast kveikt á einhverri samsullsútvarpsstöð sem spilar allt frá Bylgju sulli uppí KissFM tónlist þannig að ég þarf að hafa heyrnartólin á allan daginn) og tékka á því hvort þessir 30+ karlar hafi heyrt um Jeff Buckley, Radiohead eða Queens of the Stone Age
eða bara Nirvana eða Pixies

oj er ég orðin ógó tónlistarsnobb vibbi eða hvað?

:Dagbjört rokkdís

p.s. ætla samt að kaupa mér pínu kvenleg stígvél bráðum

p.p.s. er búin að vera með ipodinn minn á shuffle síðustu daga - æðisleg blanda af Jeff Buckley, David Bowie, Dikta, Arvo Pärt, Dvorak, the Who, Live, rokkuðu Bítlunum (henti öllu poppinu þeirra út), Rolling Stones, Porcupine Tree, óperu, Emiliönu og nokkrum fleirum. Það eina sem ég fíla ekki í botn er Enya (sem hefur þróast neitt í 10 ár), en hún er nú bara þarna til að sofa við í flugferðum.
Það besta er að ég hef ekki ennþá heyrt sama lagið 2svar, enda með 50 klst af tónlist til að shuffla :D

paint it black

2006-09-11T16:38:00.000+02:00

"I see a rainbow and I want to paint it black
I see a pink blog and I want to paint it black"

rokkið ræður
bleikur rokkaði þegar þetta var skrifað

en ekki lengur

paint it black

heimatilbúnar afmælisgjafir

2006-09-11T09:21:00.000+02:00

ekkert smá ánægð!

ég sem er vön að vera sú sem bý til gjafir handa fólki (var það allavega í gamla daga), fékk hvorki meira né minna en tvær afmælisgjafir sem voru sérstaklega búnar til handa mér !!!

Anna 3 málaði handa mér mitt eigið málverk!
og Anna 1 (oftast kölluð mamma) heklaði handa mér æðislegt dökkrautt sjal :D

er alveg í skýjunum með það

svo fékk ég heilt köfunarnámskeið frá kærastanum, með leigu á útbúnaði og öllu saman,
og baðsalt af því að við erum svo mikil baðdýr

konið gaf mér æðislega vettlinga og eyrnalokka
storesös gaf mér snákahálsmen og bók
og pabbinn gaf mér reyfara :þ

svo er ég nýbúin að fá lánaðar 3 bækur hjá pabba hans Andrésar, til að lesa meiri dönsku, svo það er sko nóg að lesa á næstunni. held ég verði heppin ef ég verð búin með þetta allt saman fyrir jól

takk takk takk fyrir mig !!!

og takk þið sem senduð ammælis-SMS

og til hamingju H&H með litla dýrið, og takk fyrir að bíða fram á sunnudag ;)

ammæli á morgun

2006-09-08T14:36:00.000+02:00

jæja
mér tókst að næla mér í einhverja pest daginn fyrir ammælið mitt

ég held að ég hafi verið einum of dugleg við að hjóla og vinna og soldið gleymt að borða á meðan...

ég kemst því ekki í búð til að kaupa ammælisgjöf handa mömmu, né kort á gjöfina til storesös...
mamma reddast kannski í næstu viku, en ætli ég ætti ekki bara að reyna að föndra handa storesös???

ég saumaði þvílíkt flottan munkabúning á Andrés um daginn (fyrir Rustúrinn (sem er djammferð í upphafi náms í Danmörku svo allir kynnist)) og þá mundi ég eftir íkornabúningnum, kattabúningunum og stólabúningunum sem ég bjó til fyrir Prakkaran fyrir 2 árum.
kannski maður ætti bara að verða búningahönnuður :þ

jæja, best að skríða aftur uppí svo ég verði orðin hress fyrir afmæliskaffið sem mamma ákvað að halda handa mér í fyrramálið
(hún er heima hjá storebror núna að baka snúða með Önnu 3 :D )
og svo auðvitað stóru veisluna hans pabba annað kvöld

*knús og kossar*
:Dagbjört afmælisdís

p.s. til hamingju með daginn í dag uppáhalds nornin mín ;)

ást, hamingja og bleah

2006-09-08T14:24:00.000+02:00

einu sinni horfði ég á English Patient og gat ekki talað við þáverandi það sem eftir var dagsins. vissi uppá hár að svona var þetta ekki hjá okkur.

hélt samt eiginlega að þannig gæti það aldrei verið í alvörunni

svo sá ég the Constant Gardner (já líka Ralf Fiennes) um páskana og fannst ekkert eðlilegra. svona líður konu jú í dag.

en svo er stóra spurningin: getur ástin lifað hversdagsleikann af?
af hverju eru allar stóru ástarsögurnar þær þar sem þau barasta deyja?
(og nei Rómeó og Júlía telst ekki með þar sem þau voru bara krakkar og þekktust ekki neitt og Bubbi hitti naglann á höfuðið)

ef ástin gerir konu hamingjusama og hversdagsleikinn gerir konu óhamingjusama, hvar endar hún þá?

þeir sem skipta of oft um vinnu teljast seint góðir starfskraftar, en af hverju þurfum við að gera það sama alla ævi?

bleah

hjartans strengir veina

2006-09-06T13:33:00.000+02:00

mig langar svo mikið til að fara að tónlistast almennilega aftur að ég er að deyja!

Andrés er kominn á fullt í skólanum en ég hef ekki einu sinni komist til að kaupa nýjan streng í gítarinn minn :(

það er auðvitað allt vitlaust út af þessari risa ammælisviku
m&p eru í Köben og pabbi 60 á morgun :p

svo ætlum við í sumarbústað um helgina og allir koma :)

en ég fékk svo æðislegt lag í hausinn í sturtunni í morgun að ég táraðist næstum því, og svo er ég búin að gleyma því núna....

þetta verður bara að vera skárra í næstu viku

mííííík

ágústþunglyndi

2006-08-31T10:11:00.000+02:00

búin að vera að væla yfir því að sumarið sé búið
Andrés er byrjaður í skólanum og allt komið á fullt, en ég var alveg til í eina afslappaða viku í viðbót
hélt einhvern veginn að svona væri lífið í Danmörku
eftir klikkun síðustu... 10? ára, þá þurfti ég svo sannarlega á svona afslöppun að halda

einhvern veginn ekki tilbúin til að hella mér í hasarinn aftur
bíð eftir því að orkan hellist yfir mig
en enn hefur ekkert gerst

erum búin að semja um að í hvert skipti sem Andrés þarf að læra hérna heima þá spili ég undir á píanó eða gítar

og talandi um !

ÞAÐ ER SLITINN STRENGUR Í FENDERNUM MÍNUM !!!!!! háa EEEEEEE af öllum !!!

buuuuuuuuuuuuuuuuuhuuuuuuuuuuuuuuuuuuuuuuuuuuuuuuuuuu

á morgun er 1. sept
þetta hlýtur að skána þá

á morgun ætla ég að:

skrifa undir samning um skrifstofu handa mér sem er mitt á milli konsins míns og miðbæjarins og alveg oní Söerne

kaupa ammælisgjöf handa storesös (sem átti ammæli á föstudaginn síðasta)

kaupa ammælisgjöf handa mömmu (sem átti ammæli fyrir alveg 3 vikum)

fara með hjólið mitt í stillingu

kaupa nýjan E streng í Fenderinn

kaupa millistykki fyrir shock-mountinn fyrir mike-inn minn

borga síðustu skuldina mína

svo er pabbi 60 eftir bara 2 vikur og það verður svaka veisla handa honum á afmælisdaginn minn, og við verðum öll saman aftur, öll 13 og bráðum 14 manna nánasta fjölskyldan mín :D

en í dag er ennþá ágúst, ennþá hálf-leiðinlegt veður og ég er ennþá slöpp og down og orkulaus

af góðum fréttum að þá er ég að hlusta á svo mikið af frábærri tónlist núna, eftir að hafa fengið loksins að vita með hvaða hljómsveit hin og þessi lög sem ég hef alltaf fílað, eru. það er að sjálfsögðu í gegnum rockstar þættina, sem þið eruð öll að fylgjast með líka.

djö... eru Íslendingar annars klikk að skekkja svona kosninguna! hversu stór hluti þeirra sem kusu hetjuna okkar í nótt myndi t.d. kaupa SuavePorn plötuna ef hann yrði söngvari???

ekki þar fyrir, ég hefði líklega grenjað ef hann hefði farið heim...

jæja, best að grafa dýpra eftir orku og vinna soldið

bleah

:D

innrás

2006-08-15T16:33:00.000+02:00

í blogginu hér að neðan vitnaði ég í wikipedia, sem er fyrir margt frábær síða, en líður auðvitað fyrir það í sumum málaflokkum að vera amerísk...
er sumsé farin að efast um heimildirnar, sérstaklega eftir það sem ég frétti í dag (reyndar mest frá múslimskum vinum mínum)

ég tengist Líbanon auðvitað ekkert svakalega, en samt sem áður meira en margir Íslendingar.

ég veit t.d. hvað þar er fallegt, því ég horfði stundum yfir Líbönsku þorpin hinum megin við landamærin fyrir 10 árum þegar ég var í Ísrael í 2 mánuði. ég bjó alveg við landamærin að Líbanon.

ég þekki líka fólk beggja megin landamæranna, en það er sko alveg á hreinu hver er að brjóta á hverjum.

hér er líka ágætis vísbending um hvers vegna

þetta var sumsé allt planað fyrir löngu til að afvopna Hezbollah, svo BNA geti ráðist á Íran án þess að hafa áhyggjur af hefndaraðgerðum gagnvart Ísrael. Allavega samkvæmt þessu.

AF HVERJU er Ísland ekki búið að fordæma þessa INNRÁS?
ég var að velta þessu fyrir mér áðan. svo velti ég fyrir mér hver væri Utanríkisráðherra Íslands og fattaði að ég væri búin að gleyma því, enda hef ég ekki mikið verið á Fróni síðan stjórnin breyttist síðast. svo ég spurði Svabba. og nú veit ég það. og nú veit ég líka af hverju Ísland segir ekki múkk.

það var einu sinni gerður samningur
til að binda enda á stríð
í honum fólst einfaldlega að ekkert land mætti ráðast á annað land.
þessi samningur gildir greinilega bara um suma...

maður að nafni Galloway hefur betra minni en margir hvað þetta varðar og liggur ekki á sínum skoðunum hér

ég ætla reyndar ekki að halda því fram að Hezbollah séu einhverjir sakleysingjar, en hvað vitum við ? og hvar kemst maður í hlutlausar fréttir? kannski helst á BBC?

ef einhver lætur sér detta í hug að fylgjast með CNN, þá eru þeir þekktir fyrir, ekki bara að ritskoða fréttir, heldur að klippa saman fréttamyndir og breyta myndum í Photoshop. sumsé hluti af áróðursmaskínu Gogga og co.

Ísland! Halló? Standiði á fætur! Segið eitthvað! Hvað þarf mikið að gerast áður en þið hættið að styðja þetta ógeðslega stríðsbrölt???

LBN

2006-08-13T13:32:00.000+02:00

uh

ef Spænskir hryðjuverkamenn læddust inní Frakkland, dræpu nokkra hermenn og rændu nokkrum öðrum, myndu Frakkar hefja loftárásir á samgöngukerfi Spánverja, sprengja Katalóníu í tætlur og ráðast svo inní landið?

tja
nei
líklega myndu þeir frekar eiga samstarf við Spænsk stjórnvöld um að berjast gegn hryðjuverkasamtökunum og frelsa gíslana.

og ef þú ert hryðjuverkasamtök sem vilt ná pólitískum yfirvöldum í landi sem gerir sífelt meira til að hrekja þig á brott, hvað er það sniðugasta sem þú getur gert? jú, einmitt að fá sprengiglöðu nágrannana fyrir Sunnan til að byrja að sprengja landið í tætlur og drepa sem flesta saklausa borgara. þá snýst allt í einu allur almenningur, sama hverrar trúar, á sveif með þér, og voila: þú stjórnar landinu!

Ísraelsstjórn gekk beint í gildru Hezbollah, þvílíkir andskotans fávitar.
Líbanon var eitt vestrænasta nágrannaríkið þeirra, með mikla uppbyggingu, verslun og fjármálamarkað. Þeir voru að reyna að losa sig við áhrif Sýrlands og Hezbollah, og Hezbollah brást svona við. Þeir eru víst búnir að vera að reyna að starta þessu stríði síðan í Nóvember. Meira um sögu Líbanon hér.

en hvað veit ég, kannski gengu Ísraelsmenn ekkert í neina gildru. kannski eru þeir bara að reyna að hjálpa Bush og co. að finna afsökun til að ráðast á Sýrland...

og það eru tvö ár eftir af þessu helvíti
man einhver hvernig heimurinn var áður en fíflið varð forseti?

kröfulisti

2006-08-11T19:03:00.000+02:00

sumir virðast vera hissa á að ég hafi fundið mér æðislegan og myndarlegan kærasta. eins og ég hafi verið einhleyp í 7 ár af því að enginn vildi mig...

neinei, líklega gerðu flestir sér grein fyrir að ég hafði alltof miklar kröfur, enda setningar eins og "af hverju finnurðu ekki bara einhvern og verður ólétt?" algengari eftir því sem á leið. eða "ást er erfið!"... erfið og erfið, ekki sami hluturinn. af hverju að standa í veseni þegar manni líður bara voða vel út af fyrir sig?

en bara svona vegna þess að ég viðurkenndi bara brot af þessum langa kröfulista fyrir fólki áður (nema auddað koninu), þá er hann hér í einhvers konar mikilvægisröð:

þorir að vera hann sjálfur og er sama hvað öðrum finnst

ber virðingu fyrir öðru fólki (þmt. konum og börnum og gömlu fóli) og líka náttúrunni, dýrum og dauðum hlutum

góður við aðra

er jákvæður gagnvart tilverunni

tekur sjálfan sig ekki of hátíðlega (með húmor)

skemmtilegur

heiðarlegur

góður vinur og traustur klettur

mátulega klár (en ekki svo það jaðri við geðveiki)

tilfinningagreindari en ég

ástfanginn af mér upp fyrir haus

fattar mig oftast

gerir mig hamingjusama

dópar ekki

reykir ekki

drekkur ekki of mikið

er ekki sama (labbar ekki framhjá fólki í vanda án þess að hjálpa)

er ekki extreme í einu né neinu (trú, pólitík osfrv.)

vinnur ekki of mikið

gefur sér tíma til að sinna fjölskyldunni

elskar börn

hávaxinn

í góðu formi án þess að vera hnakki

stundar íþróttir en horfir ekki á þær í sjónvarpinu!

er ekki efnishyggjukarl

er ekki latur

er algerlega sjálfbjarga

kann að fara út með ruslið

kann að elda og finnst það gaman

er ekki tölvufíkill

er ekki sjónvarpsfíkill

myndarlegur án þess að hafa fyrir því eða gangast upp í því

ósérhlífinn

ævintýragjarn

myndi berjast við King Kong til að bjarga mér (og vinna)

myndi hætta lífi sínu til að bjarga örðum (smá skammtur af súperman)

nógu sterkur til að geta haldið á mér

finnst gott að kúra á morgnanna

ljóshærður

bláeygður

finnst ég fallegasta konan í öllum heiminum

kann bardagalistir

og þá vitið þið það. algerlega klikkuð?
já frekar svona...
nema hvað ég veit um mann sem uppfyllir hvert einasta atriði og nokkur fleiri.

Frá og með þessari helgi erum við búin að vera saman í ár :D

og hananú

p.s. ef einhvern langar til að gubba: get over youself!

ævintýradís

2006-08-08T14:50:00.000+02:00

eftir að hafa dreymt um þau í að því er virðist árafjöld, hafa ævintýrin loksins fundið mig aftur :)

það var allt fullt af ævintýrum í sumarfríinu, sum næstum lífshættuleg, enda Ísland ekki bara eitthvað leiksvæði :þ
vonandi hef ég tíma næstu daga til að segja almennilega frá kattarhryggjum, steiktum sokkum og minniháttar slysum

en þó sumarfríið sé búið er nóg eftir af ævintýrunum.
í kvöld ætla ég að fara með höfuðið undir vatnið og anda inn, hægt og rólega.

:D

p.s. meira seinna

sumarfrí

2006-07-22T13:35:00.000+02:00

jámm afsakið ég náði ekki að láta vita

við erum sumsé komin í sumarfrí
algjört sumarfrí

og fyrir mér snýst það soldið um frí frá tölvum
við erum og verðum að mestu fjarri mannabyggðum og nútímaveseni og ætli þetta sé ekki ca. fyrsta sinn sem ég kemst í tölvu í fríinu, og það var nú helst til að kíkja á bankabókina ;)

þið megið gera ráð fyrir að heyra aftur í mér í byrjum ágúst

mmmmmmmmmmmmmmmmmmmmmmmmmmmmmmmmmmmmmmmmmmmmmm
loksins frí

*knús og kossar*

:Dagbjört sumardís

bókaormar í sambúð

2006-06-20T12:07:00.000+02:00

Andrés lýsti því yfir um daginn að hann tæki alveg eftir öllu sem ég geri og að honum finnist æðislegt að það sé alltaf nóg af hreinum handklæðum og fötum.
hann þarf nefnilega bara að opna fataskápinn og þar er alltaf búið að fylla á boli og buxur og handklæði, nema hvað :p

veit samt ekki hvort hann tekur líka eftir því hvað það er yfirleitt snyrtilegt heima hjá okkur, sérstaklega í stofunni...

annars tel ég mig sleppa mjög vel í okkar verkaskiptingu, miðað við allflestar konur sem ég þekki:

þvottur: ég, og þannig vil ég hafa það
þrif: ahemm... ennþá að koma í ljós, en líklega bæði
innkaup: bæði
eldamennska: bæði, oftast saman, ef við erum bæði heima.
uppþvottur: hvorugt (þarf maður að gera svoleiðis?)

svo eigum við ekkert sjónvarp og okkur finnst það frekar æðislegt. uppá síðkastið hefur verið svo heitt í stofunni á kvöldin að við höfum þurft að flýja inní svefnherbergi. þá eru sængurnar settar til höfuðs (enda ekki nauðsynlegar) og kúrt sitt með hvora bókina. Andrés er gjörsamlega fastur í einhverri þvílíkri doðranta trílógíu, þar sem þriðja bókin er svo þykk að hún er tvær bækur, og ég er límd við alveg æðislega danska fantasíu-seríu, sem er skrifuð fyrir unglinga, en lezt vel af síungum líka.

jamm, sambúðin gengur sumsé vel og fáir árekstrar (sérstaklega eftir því sem ferðunum í húsgagna- oþh. -verslanir fækkar...)

það eina sem hægt er að kvarta yfir er að við höfum haft allt of lítinn tíma til að vera saman það sem af er sumrinu, svo við hlökkum mikið til að fara saman í sumarfrí :)

hvernig er svo þaddna úti?

2006-06-12T14:52:00.000+02:00

jú sko
ein og allir vita þá eru Danir örlítið öðruvísi en Íslendingar

sofa ofan á sænginni og undir dýnunni
borða morgunmat á morgnanna, árbýt í hádeginu og miðdegisverð á kvöldin

en þeir eru líka miklu léttari í bragði, bjóða frekar góðan daginn og koma fram við hvern annan af töluvert meiri kurteisi en frekjurnar á Fróni
hér eru líka margar sjálfskipaðar löggur, svo ef þú brýtur reglurnar og t.d. leggur í stæði fatlaðra eða gerir eitthvað annað sem ekki má máttu fastlega búast að því að einhver vindi sér uppað þér og láti þig heyra það. svoleiðis er auðvitað bara lífshættulegt á Íslandi, því miður

hér eru auðvitað einstaka ökuníðingar eins og heima, en hlutfallslega miklu miklu færri, því þú þarft að eiga mjög ríka foreldra til að komast á bíl hér fyrir 25 ára aldur. hér er nebblilega 200% tollur af bílum.
afleiðingarnar eru þær að ungir menn og konur hjóla allra sinna ferða og þaðan er líklega komin ástæða hins fræga aðdráttarafls ungra danskra manna, sem flestar íslenskar konur á mínum aldri hafa heyrt um.

ýkta myndin:

25 ára Íslendingur:
hreyfði sig síðast fyrir um 8 árum, er farinn að bæta vel á sig um sig miðjann. vinnur eins og hestur 50+ tíma í vinnu sem hann hefur ekkert svo mikinn áhuga á því það ætlast allir til þess að hann skaffi. er hundþreyttur þegar hann kemur heim og líklega frekar þunglyndur af þessu öllu saman. líklega líka kominn með fjölskyldu og á kafi í íbúðalánum af því að allir ætlast til þess.

25 ára Dani:
hefur hjólað um allt síðustu 20 árin og skín af hreysti og vellíðan. vinnur á leikskóla eða elliheimili eða bara þar sem hann langar af því að honum finnst það gaman og leigir stóra íbúð ásamt svona 10 vinum sínum á meðan hann sparar fyrir útborgun. á kannski kærustu en ekkert endilega því hann þarf ekkert að festa sig fyrr en hann vill það. er búinn í vinnunni einhvern tímann milli 14 og 16 á daginn og hittir vini sína til að stunda íþróttir eða áhugamál eða drekka bjór og elda saman og njóta þess að vera til. svo seinna þegar hann eignast fjölskyldu, þá eyðir hann að sjálfsögðu tímanum eftir vinnu með henni :)

jájá voða ýkt auðvitað, en ég þekki bara svo mörg svona dæmi, og vinsamlegast segið mér ef þið þekkið einn einasta íslenskan karlmann sem er kominn úr skóla en er undir 40 sem vinnur ekki nema 40 klst á viku eða minna.

svo leyfi ég mér að halda því fram að engum sé greiði gerður með þessu striti. maður verður þreyttur af að púla og púla og vinnur þar af leiðandi ekki eins vel og þarf þar af leiðandi að vinna lengur og þar er vítahringurinn mættur!

danski tíminn
jújú, ég var alveg föst í þessum vítahring sjálf og orðin vön að geta gert hlutina eins og skot eins og sannur Íslendingur. fékk þar af leiðandi minn skammt af menningarsjokki hérna í vor þegar ég þurfti að aðlagast danska tímanum sem virkar allt allt öðruvísi. nokkur dæmi:

þú pantar internet og færð það 2 vikum síðar. þá 128K en þú pantaðir 2048K. það tekur aðra viku að koma því í lag.

þú ætlar bara að redda hlutunum sjálf, drífur í þessu, ferð í búðir til að kaupa það sem þarf, en kemst bara í eina, því það tekur svo langan tíma að komast leiðar sinnar (jafnvel ef þú ert með bíl í láni) og búðirnar loka klukkan 14 á laugardögum

þú ætlar að vera dugleg og taka daginn í að mála. skellir í eina umferð, sem tekur svona 3 tíma í undirbúning og klukkutíma í rúllun og ætlar svo að taka þér góða matarpásu fyrir næstu umferð, en kemst að því að þú þarft að bíða í 4 klukkutíma þangað til þú mátt mála aftur !!!

þú hleypur út í Nettó á horninu (sem er hér í hverju hverfi með gæði a la Bónus) til kaupa eitthvað eitt sem þig vantar í matinn og kemur heim þremur korterum síðar því þú þurftir að sjálfsögðu að standa í biðröð.

eða vaknar á sunnudegi og langar að dekra við sjálfa þig. fattar að þú keyptir ekkert í matinn í gær og allar búðir eru lokaðar. endar á því að borða morgunkorn í kvöldmat með restinni af léttmjólkinni blandaðri saman við restina af undanrennunni

jamm, búin að venjast þessu núna og er sjálf farin að slaka á og fatta að það skiptir minna máli að hlutirnir gerist hratt og meira máli að drepa sig ekki af stressi.
og í gær borðaði ég einmitt snakk og ís í kvöldmatinn, en það var reyndar af því að við erum búin að bjóða svo mörgum í mat undanfarið og vorum búin að plana grjónagraut. svo var bara svo ógeðslega heitt að maður hafði ekki lyst á neinu heitu.

niðurstaðan

ég er frekar vön því að búa í öðrum löndum, en aldrei áður líkað það betur en að vera á Íslandi. venjulega hef ég átt það til missa mig yfir kynjamisrétti (t.d. Bretland) eða þunglyndisvaldandi einstaklingshyggju (t.d. Kanada). Hér eru bæði þessi atriði betri en heima, og lífsgæðin og veðrið óendanlega betra!

það sem Ísland hefur sem Danmörk hefur ekki eru m&p og örfáir vinir (flestir fluttir eitthvert út - konið kemur til mín í haust), undurfallegt ríkt tungumál og stórfenglegur bókmenntaarfur, norðurljós, sundlaugar og hverfandi fegurð landsins. ég held að vatnið sé ennþá gott en ég veit að loftið er ekki hreint lengur.

hér er líka mjög fallegt, og ég er búin að kaupa mér æðislegt hjól, sem ég hef ákveðið að kalla frú Camelíu, því það skiptir um lit eftir veðri (svart í rigningu og dimmrautt í sól), og er æðislega frúarlegt konuhjól, með konustöng og svartri körfu að framan.
hjólaði rannsóknarleiðangur um hverfið í 25° hita og brennandi sól í gær í nýjum sumarkjól (þeim fyrsta í 7 ár)

annars hefur loftið verið svo tært í þessum hlýindum að sólin er stórhættuleg og eiginlega bara óþægilegt að finna hana bíta í gegnum vel sólarvarnarsmurða húðina.
það var send út útfjólublá viðvörun á laugardaginn um að maður ætti að krema sig vel og helst ekki vera úti nema í klukkutíma, en ég heyrði það fyrst þegar ég var búin að hjóla einhverja 18 km til Ernu, og átti eftir að koma mér til baka :p
var líka vel varin hvort eð var.

já, því miður, kæru vinir, það hefur verið logið að ykkur. það er alls ekki best að vera á Íslandi. ekki nema lífsgæði fyrir ykkur séu mæld í fjölda nýrra bíla og flatskjásjónvarpa. fyrir mér eru þau mæld í peningunum sem eru afgangs um mánaðarmótin og í tíma til þess að vera til og njóta lífsins með sínum nánustu. og eins og er býr stærstur hluti af mínum nánustu líka í Danmörku (fyrir utan m&p eins og komið hefur fram)

látið nú samt ekki bugast. það er bara ár í næstu kosningar og vondu karlarnir eru að hverfa frá hver af öðrum. til hamingju með það öll sömul :)

*knús og kossar*

Dagbjört dísulísuhjólaskvísa

p.s. svo er auðvitað svo mikið að gera við að vera til og taka á móti gestum að ég hef ekki haft mikinn bloggtíma, auk þess sem það er næstum ólíft í stofunni eftir vinnutíma ef veðrið er gott því hún er með vesturglugga :D

hitt og þetta

2006-05-22T15:03:00.000+02:00

Eurovision
jæja, við veltum fyrir okkur hvort Evrópa myndi fatta grínið, og niðurstaðan var að kannski svona þriðjungur álfunnar annað hvort fattaði þetta eða sá bara keppnina og fannst atriðið kúl í alvöru.
Við lágum í hláturskrampa í einni kássu heima hjá Ernunni, ég, karlinn minn, konið mitt, Guðbjörgin hennar og auðvitað Ernan.
þetta með púið er greinilega mjög Grískt, því ég heyrði ekki betur á laugardaginn en öll lönd sem gáfu Grikkjum fá eða engin stig væru púuð niður.
mér finnst líka alveg ótrúleg hræsni að finnast Silvía vanvirða keppnina miðað við allt klámið sem við þurftum að horfa uppá frá hinum og þessum löndum.

Annars ótrúlega misjafnt hvað löndin leggja mismikið í þessa keppni. Þessi 4 sem halda henni uppi ættu eiginlega bara að hætta að taka þátt ef þeim finnst þetta svona leiðinlegt. Það var frönsk stelpa í Eurovision partýinu hjá Guðbjörgu á laugardaginn og hún baðst afsökunar á hvað franska framlagið var ömurlegt.

við skemmtum okkur annars við það í stigagjöfinni að giska á hvaða lönd fengju 8, 10 og 12 stig frá hverju landi og við höfðum rétt fyrir okkur í hvert einasta sinn!
Frekar einfalt:
Vestur-Evrópulöndin gáfu Finnum 12
Fyrrum Júgóslavnesku löndin gáfu Bosníu 12
Fyrrum Sovétlöndin gáfu Rússum 12
Kýpur gaf Grikkjum 12
osfrv.

svosem ágætt að Lordi vann, en lagið var bara alls ekkert spes af rokklagi að vera, og komst ekki í hálfkvisti við Wig-Wam lagið í fyrra. Þess vegna kaus ég Bosníska lagið, það hafði eitthvað við sig sem önnur lög þarna höfðu ekki. Kannski einlægni. Hefði samt viljað hlusta á það betur, en í Eurovision partýum er auðvitað mest kjaftað og minnst hlustað :p

Da Vinci Code
Skelltum okkur svo í bíó með koninu í gærkvöldi. Hún var sumsé í heimsókn hérna um helgina, er líklega í loftinu akkúrat núna á leiðinni heim.

við vorum frekar ósammála um myndina. Mér fannst Tom Hanks fínn í staðinn fyrir Dan Brown útgáfuna af Langdon, en ég er víst búin að lesa of margar Dan Brown bækur og búin að fá algjört ógeð á hans einvíðu persónusköpun.
Ég var líka fegin að ekkert gerðist á milli þeirra Sophie, því ef Tom Hanks hefði kysst hana Amelie mína hefði ég líklega kastað upp :p+

Myndin er töluvert mildari en bókin þegar ódæðisverkum krikjunnar er lýst, og það er auðvitað synd. 50.000 konur brenndar??? yeah right. nær 5 milljónum. Af hverju er heimurinn ekki tilbúinn til að viðurkenna að nornaveiðarnar voru skipulögð herferð gegn sjálfstæðum og gáfuðum konum? grrrrrrrrrrrrrrr

annars var hún bara svona lala mynd og varla 95 DKR virði, en kannski alveg 800 ISK ;)
það verður annars sjaldan farið í bíó í sumar, svona helst X-Men sem mín bíður eftir :p

mmmm
búin að vera rigning með smá þrumum í dag, en nú er komið glampandi sólskin :D
ilmurinn í garðinum okkar er eftir því, enda hálfgerður frumskógur :p
við erum annars loksins búin að fá fínu þvottavélina, en Andrés er að smíða pall undir hana, því gólfið í þvottahúsinu er allt annað en slétt
held ég hafi aldrei á ævi minni áður hlakkað til að þvo þvotta !

nóg í bili

knús

:Dagbjört

muh...muse

2006-05-19T12:12:00.000+02:00

muh

muh

er einhver búinn að heyra nýja Muse lagið???

er í losti

veit ekki hvort ég á að öskra eða grenja eða... hlusta betur?

hvað eru þeir að gera?

er þetta eitthvað alveg nýtt breakthrough dæmi eða flopp eða...
ekki ætla ég að heimta að hljómsveitir staðni...

en

muh

þetta hljómar eins og

muh

popp !

en samt
eitthvað meira
eða ?

hvað varð eiginlega um trommurnar?
hvar kemur Prince inní dæmið?

diskótrommur, Princesöngur, metall og Muse í einum hrærigraut
kannski smá Gorillaz áhrif?

hvað á mér eiginlega að finnast???

muh

muh

M U H ! ! ! !

á fóninum í Valby

2006-05-18T08:53:00.000+02:00

ég er víst soldið snobbuð á tónlist, því þrátt fyrir að hafa reynt að halda því fram að popp sé bara fínt fyrir þá sem það fíla, þá get ég bara alls ekki hlustað á hvað sem er :S

er samt svo heppinn að kærastastinn minn leyfir mér að mestu að ráða tónlistarvalinu, enda ekkert ósáttur við rokksmekkinn minn.

stundum fær hann samt að setja á Amerískt popprokk eins og t.d. Linkin Park þar sem textinn minnir á slappan Americas Next Top Model þátt ("poor me, you're so mean to me, nobody understands me, nobody notices me, me, me, me") í frekju- eða reiðiskasti ("I won't be ignored!" "I won't waste myself on you!"). Ef þetta lýsir viðhorfi heillar kynslóðar kana til heimsins, þá er ég alls ekki hissa á ástandinu þarna hinum megin.

þá eru nú Dikta textarnir öllu betri, eða reyndar bara alveg frábærir eins og auðvitað lögin - hafa fullt fullt að segja og kallinn minn sammála því.

eru ekki annars allir búnir að kaupa "Hunting for Happiness" plötuna þeirra?

við erum frekar viss um að #2 "Breaking the Waves", sem hefur verið spilað mest í útvarpinu, sé um Bandaríkjaforseta:
"the governor's son, his daddy's new gun, come out and play, lets have some fun"
"break all the rules, ruin the schools, how will they know which one's are the fools?"
svo er hann beðinn um að pakka niður og hætta "nobody wants you and your goddamned lies"

meiriháttar lag alveg.

svo er #3 hugsanlega um Ísrael og Palestínu: "an eye for an eye makes the world go blind"

en #1, það langar mig til að sé um Ísland: "Look around, look around, can believe what you see? It's amazing. They're changing it bit by bit, in tiny babysteps, so you won't notice." lagið heitir Loosing every day og er mjög fallegt.

ef einhver á ekki þessa plötu, þá eru þetta uþb bestu plötukaup sem þú gerir á þessu ári. og nei þið megið ekki brenna hana, maður brennir ekki íslenskt rokk.

ahemm
svo hlustum við auðvitað á helling annað, en mest spilað á ipodnum mínum er Dikta, Jeff Buckley og Cesaria Evora. Mig vantar alveg heilmikið af tónlistinni minni, sem er ennþá heima á Fróni, t.d. Ampop diskurinn minn sem hvarf einhvers staðar í flutningunum :(

smá tónlistargetraun í lokin:
Hvaða hljómsveit byrjaði sem argasta stelpupopp en þróaðist svo út í eina framsæknustu rokkhljómsveit allra tíma?

sigur!

2006-05-16T09:36:00.000+02:00

í gær unnum við í húsinu frá klukkan 8 um kvöldið og fram að háttatíma við að undirbúa svefnherbergið undir málningu.

í morgun vaknaði ég og fann alls 0 bit!!!

jibbbbbbbbíííííí
þær eru dauðar!!! allar!!!
2 umgangar af eitri virðast hafa dugað til :D

þá er bara að fara að koma sér fyrir !

jibbbííííííííííí!

en best að fara að koma sér að verki, ég er hjá Storebror að vinna þaðan þar til ég fæ netið (á morgun :D)

annars átti ég líka að skila þessu:

Kæra internet!
Andrés biður kærlega að heilsa þér. Hann saknar þín ákaflega mikið eftir að hafa verið án þín í 7 daga, en vonandi fær hann að hitta þig aftur á morgun. Ég held hann sé með væg fráhvarfseinkenni, en það gæti líka verið frjókornaofnæmi. Ekki hafa samt of miklar áhyggjur, ég lánaði honum spennandi bók að lesa á meðan. Ég passa hann líka vel.

knús og kossar,

:Dagbjört

flutningur og fleiri íbúar

2006-05-15T10:02:00.000+02:00

Andrés kom heim frá Jótlandi, fékk lánaðan bíl, leigði kerru, og flutti okkur svo til Valby í einum grænum á 2 dögum. svona gerast hlutirnir stundum, og bílleysingjar verða að geta brugðist hratt við þegar hleypur á snærið.

á fimmtudagsmorguninn vöknuðum við í nýja húsinu okkar klukkan 06 um morguninn. eins og er sofum við í stofunni, því til stendur að mála svefnherbergið. það var hins vegar orðið svo bjart í gluggatjaldalausri stofunni klukkan 06, að við gátum bara ekki sofið lengur.

Andrés lét renna í bað handa okkur, en ekki tókst það betur en svo að heita vatnið dugði ekki í eitt baðker. Við fórum því í kalt bað.

Svo bjó hann til hafragraut handa okkur, en við áttum enga mjólk, og langt þangað til búðir opnuðu, svo mín fékk sér ávaxtadjús útá hafragrautinn.

þarna sátum við svo, nýkomin úr köldu baði, borðandi hafragraut með ávaxtadjús, og brostum út að eyrum yfir að vera komin í nýja húsið okkar.

svo drifum við okkur út að versla flóameðal, því einhverra hluta vegna vorum við komin með ný skordýrabit á hverjum morgni frá mánudeginum, og einmitt þennan morgun sáum við tvær flær stökkva um á löppunum á Andrési. við fundum ekkert flóameðal, en var sagt að þvo öll fötin okkar og okkur sjálf vel... það vorum við svosem búin að gera, nýkomin úr köldu baði.

fyrst héldum við að ég hefði fengið þetta í dýragarðinum, því ég var bitin fyrst, en svo var nú ekki, enda ekki flær sem halda sig á mönnum.

konan sem leigði þetta gamla hús á undan okkur (einstæð móðir með tvö börn), var með tvo ketti. kettirnir voru með flær, og flærnar voru búnar að verpa í glufunum í parketinu. ójá, nýja bjarta húsinu okkar fylgdu ansi margir íbúar sem neita að fara, og við erum nú að berjast við að útrýma. þær stökkva á okkur upp af gólfinu, drekka sig saddar, og fara svo.

erum búin að eitra tvisvar og í morgun leit þetta frekar vel út, en það er ekki víst að við losnum alveg við þær fyrr en við fáum þvottavél. hana erum við búin að kaupa, og fáum vonandi senda næstu daga. Erum annars búin með öll lökin og ég er í seinustu buxunum.

þetta hefur svo aftur valdið því að við erum ekki búin að koma miklu í verk í húsinu. það er ekkert svakalega girnilegt að fara að mála meðan verið er að éta mann.
en ég er að mestu búin að venja mig við danska hraðann.
hlutirnir gerast, hægt og rólega. en þeir gerast samt. á endanum.

knús og kossar,

:Dagbjört útétna

og um húsið

2006-05-06T09:19:00.000+02:00

við fengum lyklana afhenta í fyrrakvöld :D
flest lítur alveg ágætlega út, nema eldhúsið, sem er hálfgerð martröð, illa skipulagt, með ogguponsupínulitlum ísskápi og vask-, eldavélar- og bekkhæð frá miðri síðustu öld þegar konur voru um 1,50 m
ég hef nú þegar mjög slæma reynslu af svoleiðis lágum vöskum, frá því ég bjó á Reynimelnum. þá var ekki hægt að vaska upp meira en svona vaskafatsfylli í einu, svo þurfti að taka amk klukkutímapásu til að jafna sig í bakinu!
við erum hætt við að gera nýtt eldhús alveg strax, en eitthvað þarf þó að gera við þetta...

karlinn minn stakk af til Jótlands í gær - til að láta breyta sér í köfunarkennara - og kemur ekki heim fyrr en annað kvöld, svo ég ætla að reyna að gera herlegheitin hrein eins og hægt er í dag. Andrés er með ofnæmi fyrir köttum, og þarna voru tveir! svo það verður bara ipodinn í botni og ryksugan á fullu.

veðrið hérna er hreint út sagt æði. eins og bestu júlídagar á Íslandi mestalla vikuna, og ennþá núna um helgina. stuttbuxur, pils og hlírabolir eru málið :)

er búin að vinna allt of mikið uppá síðkastið, en nú er það að lagast, og ég skrapp með Ernunni minni niðrá Nörreport í gær að sötra hanastél :þ

svo ætla ég að fara með gríslingunum hans storebror í dýragarðinn á morgun og virkilega njóta veðurblíðunnar.

enn meiri knús og kossar,

:Dagbjört sólskinsdís

hljóðfærabrjálæðingur

2006-05-06T09:09:00.000+02:00

eins og það hafi ekki verið nóg fyrir mig að kaupa rafmagnsgítar fyrir 2 mánuðum, þá er ég núna búin fjárfesta í rafmagnspíanói!!!

sem einfaldlega þýðir:
(syngist)
ég er komin með píanó, húrra húrra húrraaaaa!!!

Roland heitir það, og mætti inná stofugólf hjá mér í gær. Vaknaði í morgun og settist við. Ég má spila þó klukkan sé 8 að laugardagsmorgni, eða jafnvel niðdimm nótt, því ég get bæði skrúfað niður og notað heyrnartól.

mmmmmmmmm

svo er bara að byrja að safna fyrir "the real thing"

knús á alla

:Dagbjört

Draumalandið

2006-04-24T21:20:00.000+02:00

Sjálfshjálparbók handa hræddri þjóð

eftir Andra Snæ

er bók sem allir ættu að lesa!

Eins og allar bestu bækurnar fékk hún mig til að hlæja og gráta til skiptis.
Í lokin fyllti hún mig skelfingu. Endar svo á cliffhanger, svona nokkurs konar amk.
Ég tók andköf.

Morð, spilling, náttúruspjöll, mengun nálægt mannabústöðum, yfirhylmingar, allt sem tilheyrir góðum krimma, en þetta er bara alls ekki skáldsaga...

Hann er bæði hugmyndaríkur, frumlegur og búinn að vinna heimavinnuna sína virkilega vel. Hann er jákvæður og jafnvægissinni. Það eru engar öfgar, engar ásakanir á hendur neinum, heldur staðreyndir, rök, upplýsingar sem hefur verið leynt og fallegar, jákvæðar, hagkvæmar, heilsusamlegar og umfram allt skynsamlegar og framkvæmanlegar hugmyndir. Hann er ekki virkjunarandstæðingur.

Loksins kominn einhver sem þorir og getur. Það liggur við að mig langi að senda manninn inná þing...

Húrra!
Lesið bókina, núna! (Var ég búin að minnast á að hún er líka fyndin?)

Bk,

:Dagbjört

Spirit: 10

2006-04-24T21:09:00.000+02:00

This Is My Life, Rated
Life:	8.9
Mind:	8.6
Body:	8
Spirit:	10
Friends/Family:	5.6
Love:	7.7
Finance:	9.4
Take the Rate My Life Quiz

Alltaf hressandi að taka svona próf og komast að því hvað lífið er gott.
Soldið hissa á fjölskyldu-einkuninni, en ég held að hún sé tengd því að ég á bara eina ömmu eftir og ekkert barn...

fékk þetta annars hjá Huldu sætu

*knús og kossar*

:Dagbjört lífsglaða

Gleðilegt sumar !

2006-04-20T10:34:00.000+02:00

vaknaði kl 8 í morgun með eftirfarandi Jet Black Joe slagara á vörunum:
"I open my eyes, woke up with a smile, and this is the day" osfrv.

loksins loksins LOKSINS!

reyndi að vekja sifjaðan karlinn minn

stökk fram úr rúminu og kveikti á tölvunni
beint á tónlist.is, og fann besta sumarlag allra tíma

Sumarið er tíminn

með Bubba og GCD

þá vaknaði Andrés og var farinn að smitast

það var ekki til jógúrt, so ég fékk mér rúgbrauðsneið og appelsínusafa
svo fórum við út að hlaupa
hlupum um 5 km

með örfáum öndunarpásum :þ

í gær lofaði ég nefnilega Jeanette vinkonu okkar að hlaupa með henni í danska kvennahlaupinu í sumar ;)

og nú er ég sturtuð og komin í græna sumarpilsið mitt og meira að segja með ogguponsu maskara í tilefni dagsins

Andrés er útí búð að kaupa jógúrt í morgunmatinn handa mér, og á eftir kemur Erna í Pílates

en nú þarf ég reyndar af fara að vinna því ég skipti út frídeginum í dag fyrir annan dag sem hentaði bæði mér og vinnunni betur - það skiptir engu máli, það er samt hátíð í dag:

ÞAÐ ER KOMIÐ SUMAR !!!

gleði gleði gleði gleði :D :D :D :D :D :D :D :D :D :D :D

Raðhús í Valby

2006-04-05T20:14:00.000+02:00

tja sko

ekki nóg með að kona sé allt í einu komin í sambúð í Kaupmannahöfn, nú á líka að fara að gera upp gamalt raðhús í Valby

ef einhver kannast við Valby, þá rekur sá hinn sami nú líklega upp stór augu
Valby er hverfi rétt fyrir vestan miðbæinn í Köben, sem hefur verið frekar mikið slum undanfarin ár, en á nú, sökum staðsetningar, að fara að byggja upp.
verið er að flæma gamla leigjendur í burtu og ýmislegt gert til að heilla duglegt ungt fólk á svæðið

minn kærasti var svo fyrirhyggjusamur þegar hann frétti af þessu, að hann skráði sig á biðlista eftir raðhúsi í raðhúsahverfi sem á að fara að gera upp að utan og ofan.
biðlistinn er svo þannig gerður að þeir sem öllu ráða þarna velja hvaða fólk þeir vilja fá í hverfið
og þeir vilja svona líka endilega fá okkur :)

það sem við fáum út úr þessu er lítið sætt raðhús á undirverði, sem verður gert upp að utan, og annarri hæð bætt ofan á. það sem við þurfum/ætlum að gera er að laga þá hæð sem er nú þegar, að innan:

brjóta niður veggi

mála allt í björtum og fallegum litum

byggja nýtt eldhús

rífa gamla eldhúsið

leggja nýtt rafmagn

leggja nýtt parket

það er pínu skrítið að taka allan þennan pakka svona strax, en við hlökkum bæði mikið til
það merkilegasta er hversu sammála við erum um hvernig allt á að vera :D

Dagbjört litla og Andrés litli, allt í einu orðin stór

við fáum húsið 15. maí :D

nývöknuð

2006-04-04T08:36:00.000+02:00

mig dreymdi að ég væri að borða uppáhalds svarta pilsið mitt

hvaða mögulega merkingu getur það haft?

kannski var þetta til að minna mig á að mig langar innst inni í ljósblátt sumarpils...

bleah

best að fara að fá sér morgunmat og pína svo oní sig nokkur vatnsglös...

þegar vatnið hérna er soðið myndast hvít kalkskán á pottinum

:þ

Fer á föstudaginn

2006-03-27T19:25:00.000+02:00

Jæja, þá er þetta loksins komið á hreint!

Ég flýg út til Kaupmannahafnar á föstudagsmorguninn, þann næsta, og verð þar með flutt til Köben :)

Ég flutti út úr Grænuhlíðinni um (þar)síðustu helgi, og er að fara að afhenda lyklana núna á eftir.

Ég veit ég hef ekki getað hitt alla ennþá, og að ég á líklega ekki eftir að ná því áður en ég fer, en næstu 3 kvöld verða þó helguð vinum að mestu (í kvöld er það reyndar skattaskýrslan og einhver fleiri skjöl)

Annars er vorið loksins komið til Danmerkur og við Andrés erum að farast úr spenningi að fá loksins að hefja sambúðina :)

knús

:Dagbjört

Emily the Strange

2006-03-10T16:57:00.000+01:00

nýjasta uppáhaldið í lífi mínu heitir Emily the Strange og hér er mynd af henni.

hún er byggð á þessari stelpu (sem heitir einmitt líka Emily the Strange og sumir netverjar kannast eitthvað við).

en mín Emily er auðvitað rafmagnsgítar. hér er líka viðtal við hina Emily um gítarinn ;)

annars sumsé Epiphone G 310. Epiphone eru Gibson gítarar framleiddir í Kína. (Gibsonar eru sjúklega flottir)

úff það eru nú farið að vera ansi margt sem ég held svo mikið uppá að ég geti varla verið án:

tónvinnslulappinn

Fenderinn (kassagítarinn minn)

leðurjakkinn

Emily

(kannski bráðum ipodinn?)

Andrés

er kona kannski að breytast í einhvers konar material girl???

smá um Montreal

2006-03-10T16:28:00.001+01:00

Við Andrés flugum til London og þaðan beinustu leið til Montreal föstudaginn 24. febrúar
gistum á Marriot hótelinu

laugardagurinn fór í að jafna sig eftir flugið og skoða okkur um í borginni. röltum uppá Mont Royal, fjallið sem borgin heitir eftir
-20°C með vindkælingu

drifum okkur á skíði á sunnudaginn. æðislega léttur snjór og við vorum fljót að finna okkur á parabólísku skíðunum. en klukkan 4 var kominn smá skuggi í brekkurnar og þá var bara orðið allt of kalt, þrátt fyrir margföld lög af fötum.
Súperfrost og vindur.
Ekki venjulegt í Montreal.

virkir dagar fóru svo auðvitað í mikla vinnu hjá mér, og við vorum ennþá á svo evrópskum tíma að það varð ekki mikið meira úr kvöldunum en bara kvöldverður.
þegar komið var fram á fimmtudag var ég ennþá ekkert búin að komast í búðir, og átti að fara heim daginn eftir. vinnan var mikið að reyna að fá mig til að vera lengur, og Andrés var alveg til í aðra helgi, svo það varð úr að við framlengdum.
á föstudagskvöldið kíktum við í búðir, og ég keypti mér ipod-nano og nokkra góða Simons-boli

fórum á skíði á laugardaginn, en þá var orðið heldur betur hlýrra, og snjóaði auk þess blautum snjó allan daginn. Færið varð þess vegna svo þung að eftir aðeins 4 tíma á skíðum var ég orðin alveg búin í fótunum, og meira að segja íþróttahetjan mín varð að viðurkenna að þetta tók á í hnjánum.

svo var loksins afslöppun á sunnudaginn, kíktum í artí-hverfið og keypum hana Emily mína (sjá næsta blogg fyrir ofan).

á mánudagskvöldið var rómó-kvöld og á þriðjudagsmorguninn bakaði ég vöfflu handa Andrési afmælisbarni, eins og lofað hafði verið. upphaflega ætlaði ég sumsé að baka vöfflur hér í Köben, en fyrst við vorum enn í Montreal þá voru það bara morgunverðarvöfflur með sýrópi í staðinn - en ekki án rjóma og jarðarberja.

Andrés þurfti svo að fljúga heim á þriðjudagskvöldið en mér var þrælað út 2 daga í viðbót, og kom til Köben í dag.

Montreal var samt umfram allt annað sannkölluð átveisla! við borðuðum á okkur gat hvað eftir annað, og Andrés greyið þurfti að læra að leyfa!

Við borðuðum:
á Boccachinos - ítalskur(minn uppáhalds) x 3 (eða 4 )
á Entrecote - fransk-kanadískur steikarstaður
á Carlos & pepes - mexíkóskur
á Grískum humarstað
á Mikasa - fengum rómantískt herbergi fyrir okkur og sátum á gólfinu og borðuðum amerískt sushi (sumir bitarnir voru með djúpsteiktu gumsi!)
á Cafe Presto einu sinni í hádeginu
á Cafe Vienna næstum öll hin hádegin (þeir sáu mér fyrir öllum grundvallar næringarefnum í eitt ár)
á æðislega morgunverðarhlaðborðinu á hótelinu, sem býður uppá allt frá hafragraut að vöfflum með sýrópi og frá fersku ávaxtahlaðborði að eggjahræru og beikonu

og svo var okkur auðvitað boðið í mat:
hjá Dössu og Hilmari
hjá Halla og Sigrúnu

það var alveg yndislegt að hitta þau öll aftur :)
takk fyrir okkur ;)

(okkur var líka boðið í tvö partý en skrópuðum í báðum, því við áttum oftast mjög erfitt með að halda okkur vakandi fram yfir klukkan 9 á kvöldin ;)

úff, en allavega mikið borðað
og nú þykist meira að segja Andrés minn vera kominn í átak!
við sjáum til...

Lagið tilbúið

2006-02-18T02:05:00.000+01:00

jæja
þá er kona formlega útskrifuð úr tónvinnsluskólanum
og í þeim töluðu orðum á leiðinni beint til Köben

en ef einhver hefur áhuga á að heyra hvað ég gerði í þessum skóla, þá má hlýða á afraksturinn hér.
lagið heitir Unreal, og eru lag og texti eftir mig, en með mér í vinnuhóp voru þeir Árni og Völundur. svo eiga auðvitað kennarar og hljóðfæraleikarar í skólanum svaka mikið í þessu, t.d. öll hljóðfærin auðvitað ;)

jæja meira um þetta seinna, ég þarf að ná flugvél í fyrramálið

:Dagbjört sybbna

p.s. smá getraum: hver syngur?

Til hamingju með daginn Anna 2

2006-02-14T17:46:00.000+01:00

Hún Anna mín númer 2 er 21 árs í dag!
Ég gleymi aldrei hvað það var æðislegt að fá hana í heiminn.
Fyrsta litla barnið í mínu lífi :)
Nú löngu orðin kona :)

Til hamingju, sæta!

þín frænka :D

12. - 13. ágúst 2005

2006-02-13T21:26:00.000+01:00

einn og einn dagur stendur uppúr
svona dagur sem maður man eftir
nokkurn veginn fullkominn
þannig var 12. ágúst 2005 - og vel fram á þann 13. ;)

sumarfríið nýbyrjað
ég var í heimsókn hjá Ernunni minni, í Köben, hafði lent kvöldið áður og sopið nokkur öl fyrir háttinn :)
vaknaði og við skelltum okkur beint á hjólin og hjóluðum út í búð til að kaupa í morgunmatinn
átum hann í rólegheitunum
hjóluðum (eða löbbuðum við?) útá lestarstöð og tókum lestina niðrá Hovedbandgården
röltum Strikið í blíðskaparveðri
það er meiriháttar að versla með Ernu
hún er afslöppuð og kemur með ferskar hugmyndir
manaði mig til að kaupa grænar vasabuxur í staðinn fyrir svartar
hafði aldrei átt grænar buxur fyrr
svona er maður alltaf að vaxa ;)
hjálpaði mér líka að velja nýja boli

keyptum okkur ferskjur af götusala og nutum þess í botn að vera í Köben
horfðum á breakdansara
man ekki hvað ég hvar við borðuðum, en við komum heim til Ernu einhvern tíman rétt fyrir kvöldmatarleytið með innkaupapokana
töluðum við Guðna um að við værum of sein að fara í mat til frænda hans, sem bjó einhvers staðar í buskanum hinum megin við Köben
pæjuðum okkur upp og skelltum okkur svo aftur niðrí bæ
ég í nýju grænu vasabuxunum og ilmandi af Forbidden Fantasy :)

sátum tvær inná Y's sem er kokteilabar á Nörreport og sötruðum kokteila sem hétu sumir hverjir ansi svæsnum nöfnum, og fífluðumst og hlógum
mikið stuð

þegar leið á kvöldið birtist Guðni (hennar Ernu) með tveimur (minnir mig) vinum sínum. annar var íslenskur. hinn eitthvað annað. við héldum áfram að panta og hlæja :)

svo mætti frændi hans Guðna. þessi sem við fórum ekki í matinn til. íslenskur að hluta. sagðist vinna við köfun. jeij, ævintýragaur! af því að við komum ekki í mat til hans, þá var hann bara ekkert búinn að borða, svo þegar leið á kvöldið ákváðum við að finna okkur einhvern góðan Kebab stað. fundum svoleiðis og röltum um strikið, smjattandi á kjúllarúllum. sem voru svo vel sósaðar að umbúðirnar urðu blautar í gegn og allt í einu var ég í doppóttum buxum. frændi hans Guðna sagðist öfunda mig mikið að þessum flottu doppum :p

við Erna stigum nokkur dansspor. frændinn hélt áfram að spjalla. einhvers staðar á leiðinni yfir götu við Ráðhústorgið (held ég) komst ég að því að hann hefði aldrei átt bíl. sumsé virkilega áhugaverður ævintýramaður!

við rákumst á einhvern hóp af Íslendingum og röltum með þeim einhvern spöl, en enginn gat komið sér saman um hvert við ættum að fara svo við Erna, Guðni og frændi hans stungum þau bara af. stoppuðum stutt á einhverjum eðalbjór pöbb. svo dróg frændinn okkur á salzastað. úje.

meiri drykkir, fundum borð. pínu spjall. viltu dansa? jamm. salza.
ég veit ekki alveg í hvaða röð hlutirnir gerðust eftir það. alltíeinu var frændi hans Guðna búinn að dansa mig alveg uppúr skónum

hann heitir Andrés og í dag erum við búin að vera á föstu í hálft ár :D

til hamingju við!

:Dagbjört dís

Tónsmíðafréttir

2006-02-13T20:18:00.000+01:00

Húmið kom til mín í gær
það varð til að svolítið annan hátt en yfirleitt gerist
það var ekki bara einhver laglína í hausnum á mér sem fæddist af ljóði
nei
það voru hljómarnir sem fæddu það
húmið á sinn hljómheim og hvert einasta orð í ljóðinu á hljóm sem samsvarar því miðað við hljóminn á undan
t.d. "raddirnar" er A-dúr á eftir E-moll
mmmmmmmmmmmm

Dúfan er svo virkilega vel á veg komin. Fyrsta uppkast að undirleik tilbúið, en þar þarf helst að laga upphaf og endi. Þegar það er komið verður vonandi forspilið til að sjálfu sér. Veit hvernig.

Er sumsé að semja þessi tvö lög handa henni Rannveigu, sem er að fara að taka burtfararprófið í vor.
Ljóðin eru eftir Ingibjörgu Haraldsdóttur, og hún er búin að gefa góðfúslegt leyfi sitt :)

þegar þetta verður allt tilbúið, þá mega allir skoða hér á síðunni, en enginn fær að prenta fyrr en eftir frumflutninginn ;)

:D

mál málanna

2006-02-06T20:21:00.000+01:00

Alli litli var þreyttur og svangur þegar hann lagði af stað heim úr skólanum. Áttundubekkingarnir höfðu stolið nestinu hans, eina ferðina enn. Hann vildi ekki segja mömmu sinni frá því, því hann vildi ekki að bæta á raunir hennar. Mamma vann alltof mikið en hafði samt ekki efni á að kaupa handa honum ný föt. Pabba sinn hafði hann ekki séð í bráðum ár.
Í dag hafði kennarinn skammað hann eins og svo oft áður, því hann átti svo erfitt með að fylgjast með þegar hann var svona svangur. Hann var líka oft illa sofinn og uppstökkur, svo hann átti ekki marga vini.
Á leiðinni heim mætti hann hóp af krökkum sem flest komu frá vel stæðum og hlýjum heimilum. Þau voru flest öll góðir krakkar, og ekki vön að abbast uppá hann, en þennan dag var Óli með í hópnum. Óla fannst átti það til að gera ýmislegt til að ná athygli hinna og hann vissi fyrir hverju þessi ólundarlegi, horaði og skrítni strákur var viðkvæmastur.
"Alli, vissirðu að mamma þín er hóra?" kallaði hann í því sem Alli gekk fram hjá þeim.
Alli stansaði. Hann stóð kyrr í andartak, áður en hann sneri sér við og með ómannlegu öskri, stökk eins og köttur á Óla og lamdi hann og beit.
Hinir krakkarnir voru svo óvön svona slagsmálum að þau stóðu fyrst eins og þvörur og vissu engan veginn í hvorn fótinn þau áttu að stíga. Þau skildu ekki hvað amaði að þessum strák. Af hverju hann var alltaf svona reiður við allt og alla. Hann hlaut bara að vera eitthvað vondur. Það var bara eins og hann hefði breyst í villidýr. Vissi hann ekki að Óli sagði oft eitthvað heimskulegt, án þess að meina það?
Sum þeirra reyndu eitthvað að toga Alla af Óla, en þá var eins og hann fílefldist enn meir og sló þau frá sér og glefsaði.
Þessi söddu börn sem höfðu allt sem Alla skorti og höfðu aldrei þurft að hafa áhyggjur af einu og neinu, og réðust á það sem honum var allra kærast, voru allt í einu orðin holdgervingar alls óréttlætis þessa heims sem hataði hann. Þar sem allir voru vondir við hann. Öll hans reiði og allar hans sorgir brutust fram eins og óstöðvandi flóð svo honum sortnaði fyrir augum af bræði.
Eitt barnanna ákvað að hlaupa og ná í kennarann...

Verður fundur um málið hjá skólastjóranum? Ætli Alli verði jafnvel rekinn úr skólanum?

Kannski ekki mín best skrifaða dæmisaga, en punkturinn er: Til hvers erum við sem allt höfum að níðast á olnbogabörnum veraldarinnar?

Fyrir þjóðina

2006-02-05T23:12:00.000+01:00

Réttupphönd sem horfðu á undankeppnina á laugardaginn

Ég heyrði í fréttunum að einhver hinna keppendanna hefði lagt fram stjórnsýslukæru vegna lekans, því hann hefði veitt Silvíu og co. óréttlátt forskot.
Mér fannst niðurstaðan sem virtist hafa fengist í málinu fyrir helgi vera sanngjörn og góð. Að leyfa einu lagi enn að komast áfram í úrslit og draga því úr þeim hugsanlega skaða sem þetta gæti fræðilega valdið öðrum keppendum.
En nei, einhver ákvað að vera erfiður og leggja fram stjórnsýslukæru. Hvað heldur viðkomandi eiginlega að sé tilgangurinn með þessari keppni? Þetta er ekki spretthlaup þar sem einhver þjófstartaði, eða spurningakeppni þar sem einhver komst yfir spurningarnar fyrirfram. Þessi keppni er ekki haldin fyrir höfundana og flytjendurna. Hún er haldin fyrir þjóðina. Haldin til þess að leyfa þjóðinni sjálfri að velja hvaða lag hún vill senda til Aþenu.

Ef þjóðin vill senda Silvíu Nótt, þá á að sjálfsögðu að gera það.
Ef þjóðin vill hana ekki, þá sigrar hún einfaldlega ekki.
En að reyna að láta taka hana úr leik með stjórnsýsluskipun, þjónar það hagsmunum þjóðarinnar?

Eitt enn: Það er ástæða fyrir því að þetta lag lak á netið. Hún er sú að þjóðin (á netinu) vildi heyra það. Ég fékk það með tölvupósti (mér til nokkurs uppnáms, því ég þekkti reglurnar) og titillin á póstinum var "Loksins gott lag!". Ég reyndi meira að segja að benda fólki á að dreifa því ekki, en það hlustaði svosem enginn á það. Allir vildu fá að heyra það.

Þjóðin á valið. Við skulum sjá hvað hún vill.

Vanadís

2006-02-02T22:10:00.000+01:00

Mínir helstu guðir eru Freyr, Freyja, Óðinn og svo kannski Bragi,
en ef ég væri ásynja, hver væri ég?

Þessar niðurstöður eru tileinkaðar Andrésinum mínum sem ætlar að fljúga til mín á morgun :D

Which Norse God or Goddess are you most like?
created with QuizFarm.com

ESB og þjóðarstoltið

2006-01-27T00:13:00.000+01:00

þar sem ég fer nú svona hvað úr hverju að versla mér stakan farmiða til Köben...
(bara svona til að sjá hvað gerist og hvort þetta endist :)
... þá sumsé eru sumir alltíeinu farnir að vera voða viðkvæmir fyrir ákaflega meinlausum og týpískum athugasemdum frá mér um hvað Íslendingar eiga það til að vera gallaðir (minnir að ég hafi tjáð mig um vetrarakstur eða skort á sköfun, eins og ég geri örugglega á hverjum vetri)
viðkvæmir eins og ég sé nú búin að svíkja Ísland og orðin Dani, og hafi því engan rétt að á tjá mig um íslenska misbresti, rétt sem Danir hafa auðvitað ekki, enda kunna þeir alls ekki að keyra í snjó ;)
en vá, ég er ekki og verð aldrei Dani
mun aldrei byrja að reykja til að líkja eftir Möggu Tótu, né syngja danska ættjarðarsöngva um áramótin (heldur standa kjánaleg hjá og bíða í klukkutíma eftir að það séu komin áramót á Íslandi)

ég er og verð alltaf Íslendingur, fyrst og fremst, og sem slíkur má ég alveg tjá mig um hvað mér finnst mega betur fara hér heima.
reyndar held ég stundum að ég sé meiri þjóðernissinni en flestir sem ég þekki, og ég er alls ekki búin að gleyma því frá hverjum við hlutum frelsi.

og þá að ESB
ég er loksins og (að öllum líkindum) endanlega búin að gera upp hug minn varðandi aðild Íslands að ESB. (Alltaf þegar þetta er á annað borð rætt er gert ráð fyrir að þeir gæfu undan hvað varðar fiskinn - annars dytti engum heilvita Íslendingi þetta í hug).
Þegar ég var að skoða háskólanám, fyrir um 9 árum, þá óskaði ég hálfpartinn að við værum í ESB svo ég kæmist nú hvert sem er í háskóla. Nám og vinna hvar sem er í Evrópu, það eru jú kostirnir. Vissi samt innst inni að Jón og Jónas og allir hinir börðust ekki fyrir frelsinu til þess eins og láta það af hendi til Breta, Þjóðverja, Frakka og Spánverja.
Hin síðari ár hef ég svo haft hin og þessi samskipti við sum af þessum löndum, vegna vinnu. Skrifræðið og seinagangurinn í Frökkum er nóg til að gera venjulegan Íslending (og Gaulverja) gjörsamlega vitlausa. Bretar eru 70 - 200 árum eftirá í samfélagsgerð og jafnrétti milli manna og manna, ekki síður en manna og kvenna. Allt verður að fara eftir einhverjum fáránlegum goggunarleiðum...
Smátt og smátt fór ég að hallast meira á móti.
Svo ákvað ESB að gulrætur væru ávextir, af því að þær eru notaðar í sultugerð!

En svo var það Andrés sem varð til þess að ég gerði endanlega upp hug minn. Það sem hann sagði mér af ESB og reynslu Dana. Það sem sumir vita, en fæstir kjósa að muna.
Við vitum öll að auðlegð Breta, Frakka, Spánverja, Hollendinga, Portúgala og hverjar þessar þjóðir nú voru allar, byggðist upp á að arðræna nýlendur út um víða veröld. Jájá, hræðilegt, allir vita það osfrv.
Nú sumsé þykjast þessar þjóðir vera hættar því. Kannski af því að þær gera það, nú, helst í gegnum ESB. Byggja sitt ríkidæmi á að viðhalda fátækt annars staðar. Og ekkert sérstaklega óbeint heldur.
Þetta sagði Andrés mér:

"Sælgætisverksmiðja í Suður-Afríku kaupir ekki sykur af bóndanum á næsta bæ. Hann kaupir sykur sem er fluttur inn frá Danmörku. Vegna þess að hann er ódýrari. Ha? Jú fyrst fá danskir bændur ESB styrk af því að þeir eru jú bændur, og svo fá þeir meiri ESB styrk af því að þeir flytja vöruna út! Þannig að þrátt fyrir að búið sé að flytja sykurinn alla þessa leið, þá er hann samt ódýrari en fátækur bóndi í Suður-Afríku getur tekið fyrir sykurinn sinn. Þess vegna getur hann engan sykur selt, eða selur hann svo ódýrt að hann fer bara á hausinn."

Einhver hissa á fátæktinni í Afríku, ef þetta er bara eitt dæmi um hvað ESB er að gera? Einhver sem hélt að BNA væru þeir einu sem væru að $%#$&$%&#&$#% heiminum?

og svo þjóðarstoltið
já, það er svo sem ekki margt sem við Íslendingar getum raunverulega verið stolt af, umfram aðrar þjóðir.
loftið er bara hreint af því að vindurinn blæs allri menguninni okkar í burtu - það höfum við séð, þá sjaldan að hér er logn.
ég hef séð gullfallegt fólk í mörgum öðrum löndum.
Fjölmiðlarnir okkar eru orðnir jafn lágkúrulegir og annars staðar, fólkið jafn gráðugt og sjálfselskt og í ameríku (amk um helmingurinn), og fallega landið okkar er að breytast í eina stóra álverksmiðju.

En við getum verið, og eigum að vera, stolt af því að okkar auðlegð og hagsæld var ekki á neinn hátt byggð á þjáningum annarra þjóða (amk ekki síðustu 800 ár).
Hún er byggð á krafti og vinnusemi kynslóðanna á undan okkur, fólksins sem byggði hús og flakaði fisk myrkranna á milli, í einskærri gleði yfir að hafa einhverja vinnu, og breytti þannig Íslandi úr fátækasta landi Evrópu í eitt ríkasta land heims á innan við öld.
(Já einmitt, fólksins sem við viljum núna helst loka inni á einhverjum stofnunum svo við þurfum ekki að sjá hvernig við munum einhvern tíman verða, þ.e. gömul.)
Við megum vera stolt af þeim. Og af því að enn þann dag í dag erum við ekki að arðræna fátækar þjóðir. Vonandi munum við aldrei taka þátt í slíku.

og líkur hér með ræðu kvöldsins ;)

húrra fyrir Íslandi

og svo öll plönin

2006-01-06T20:09:00.000+01:00

jamm ég gerði víst drög að langtímaplani í upphafi ársins 2005

núna er ég auðvitað búin að breyta langtímaplaninu töluvert, en var þó nokkuð dugleg í fyrra að standa við það sem ég sagðist ætla að gera (klára gamla planið, flytja, skipta um vinnu, læra meiri pródúseringu - allt gerðist þetta 2005).

nýtt 5 ára plan:

klára tónvinnsluskólann (gerist í byrjun feb)

undirbúa að sækja um tónsmíðanám með því að:
- læra meira á píanó (helst að eyða næsta vetri í það og æfa sig í 2 - 3 tíma á dag)
- verða betri í tónheyrn og nótnalestri
- læra hljóðfærafræði
- semja meira

sækja um tónsmíðanám með það að markmiði að byrja haustið 2007

ef það mistekst, halda áfram að undirbúa og reyna aftur

svo á bara eftir að koma í ljós í hvaða landi þetta gerist allt saman, en ég held að ég sé nú frekar á því að læra tónsmíðarnar í Danmörku, hvort sem við Andrés endumst eða ekki ;)
en ef allt fer vel, þá lætur maður sig auðvitað líka dreyma um kríli...